:: منتديات الشوامخ النسائية :: - عرض مشاركة واحدة - وخري بس أنتي وياها .... صررررررررررت أطبخ ! <<< ا

شـ شموخي ـوفوا! · 02-03-2008, 08:07 PM

كيــــفـكم وش أخباركم ؟؟!

سمّوا على قلبي .. آآآآآآخ .. بيجيني سكتة قلبية ..

ذس إز ذا فيرست ليسّن فروم مي تو يو إن ذس سكشن << أقول مسوية رطانة أعجمية ؟؟

الزبدة ..

ذا أول موضوع لي بهالقسم اللي .. طـــــااااااااااااااالما تهيبت من التجول بين مواضيعه

أشخص حالتي الاكلينيكية بأني مصابة بـ( رهـاب طُباخي ) شفانا الله وإياكم :D

ونزلت علي كذا فجأة السناعة .. ومدري وش جاني بسم الله علي .. واشتهيت أطبخ !

يا للهول .. شوشو تطبــــخ ؟! نووووووو ... آي كانت بيليف ! <<<< رجعنا ؟!

المهم .. وأجي داعسة .. وأفتح القسم المطبخائي .. وأتجول مع احساس بغربة .. بصراحة ما عمري فتحته !

يمممه .. وش ذا ..؟ وش يتكلمون عنه هذولي ؟؟

والله ريقي نشف ! وأتوكل على الله ..

ويقع الإختيار .. على { حلى القبعات } على بالي أنا ووجهي إن الدعوى سهلة !

وأشكّ ( أي أسجل) قائمة بالطلبات .. البسكوت هذاك والجبن ذاك والإلخ ..

والله .. وتطب بيتنا بعض المقادير اللي من يوم ما ارتفعت الاسعار ما جبناها ..!

وأشمـــر عن كرعاني .. أقصد ( ساعداي النحيلان )

وأبدى .. أطحن و أعجن وألت وأمطررررررس بمعنى الكلمة ..!

نص البسكوت ناشب بالطاحونة .. والباقي متكبكب على الكاونتر .. ويستر علي ربي ..

قربوا بقول لكم سر ..

كانت أمي بتروح لعزيمة كبيرة ذاك اليوم .. قلت لها من زود اللقافة : " أبـــد ولا تشيلين هم .. نص ساعة والحلى جاهز " !!
وياااااااااااشين اللقافة بجد .. والثقة العمياء !

أذن المغرب وأنا ما خلصت ! كلـــه من الحشوة اللينة اللي ما خلتني أشكل العجينة على مزاجــــي !!

إذا ضغطت من هنا ... نفصت ( أي نبجت ( أي تفجرت) ) الحشوة من هناااااااااااك !

وأصل إلى حل نهااااائي خطير .. أشكلها على شكل ( كور )

والله وأتــذكر الحلى اللي صوّت له بالمسابقة .. وبفضل الله ثم بفضل تصويتي فاز ... <<< كيف الحال دنيتي غريبة؟؟! :D

وأشكله على شكل أنقوز _ عنقود_ عنب مسطح :D

إليكم الصورة النهائية للعمل بغض النظر عن المطاريس والحوسة :D

مقاديرها هي مقادير ( حلى القبعات ) لكــن طريقة العرض ملطوووشة من الحلى الفائز ^_^

_ عجزانة أكتب المقادير والطريقة _ :D

تدرون عاد ..؟ من زود السناااااااعة ذاك اليوم .. كنت أشتغل على جهتين .. ( لزوم الاحتياط ) .. خفت يخرب الحلى .. بعدين يا حياتي الماما يخيب ظنها فيني ..

فقمت وسويت شيء وحيد أعرف أسويه من الإبتدائي والحمد لله مازال له جمهوره ومتذوقيه

بـسـبـــوووووووســـــــــــــة :D

عشان ما تروح أمي خالية الوفاض .. وه يا حبي لها ..

تخيلوا لو ما هداني ربي لفكرة العنقود العنبائي هذا .. وخليت حوستي ولا كملت <<< وتراي مشهوووورة بترك العمل دون انجازة في حالة العجز ..

كــان يحرمني أبوي من .. من ....! <<<< مدري . بس أكيد ماراح يمر الوضع بسلام ^_^ هع هع

ذس إز ماي بسبوسة :

وهذي صورة جماعية :D <<<< لا تشرهون علي .. بجد مانيب مصدقة اللي سويته ..

و.. بس ^_^

وبما إني عجااااااااااازة ..

وبنفس الوقت مستعجلة ..
إذا تبون مقادير البسبوسة ما عندي مانع <<< الله يخلف على أمها .. تحسب نفسها مسوية شيء خووورافي ..

نستقبل التهاني والتبريكات .....

سلااااام ..

شوشو - المطبخ <<< قررت أسكن هنا .. هع هع