:: منتديات الشوامخ النسائية :: - عرض مشاركة واحدة - وخري بس أنتي وياها .... صررررررررررت أطبخ ! <<< ا

شـ شموخي ـوفوا! · 03-03-2008, 07:56 PM

أنا ؟؟

ما سويت شيء !!

بس مادام خبيـــرتنا وكبيرتنا قالت لي إني ضبطتها ... أجل إني ضبطتها فعلاً ..
فدائيــة : أسعدني بل وزادني شرفاً إنك أول من علق ع الموضوع ... وربي كنت مستحية من الرفالة ...

صدقيني ما راح أنسى كلماتك ...

نوري مواضيعي دوماً غاليتي أم فهــد ..

ومقادير البسبوسة كالتالي/

4 بيضات حجم وسط

4 فناجيل سكــر

ملعقة كبيرة باكينج باودر ( يكون مسح ع الملعقة ) <<< يعني ما يصير الباكينج باودر مسوي جبل

ذرة فانيليا

بيالة زيت

كأس لبن

كأسين إلا ربع جوز هند

كأسين إلا ربع سمــيد ناعم

الطريقة : يخفق البيض بالسكر إلين ينتفش ويذوب كل السكر ( يعني خلو عنكم العجلة الزايدة وارحمو السنون اللي بتقرررررض السكر في طبختكم )
.. ثم نضيف السوائل الباقية ثم الفانيليا..

نبدأ بإضافة السميد وجوز الهند بالتناوب .. شوي من ذا وشوي من ذاك ...

لحين يكتمل .. ولا تنسون الباكينج باودر ..

ملاحظة : كل ما كان الخليط يميل لليونـة .. كل ما كانت أفضل .. عشان الباكينج باودر يعطي مفعوله ..

بس لا تخلونه لين مثل السيريلاك الله يعافيكم ... خير الأمور أوسطها ..

وبصراحة .. من خلال خبرتي الطويلة بالطبخ .. أنا ما أعتمد على كمية السميد وجوز الهند بالضبط ..

أعتمد على القياس التحريكي إذا حركت الخليط أحكم عليه هل يحتاج زيادة وإلا لا ..

عاد الله الله بالشيرة .. خلوها تطبخ إليــــــــن يغلي بطنها

والتزيين للي يحبون التزيين .. خياراتها متعددة ..

الأشهر وشكلي بأتصفق على فلسفتي .. هو الفستق المطحون ..

أو السمسم ..

وأنا أفضلها سادة

وممكن بحبات اللوز. . تعطي شكل ياااااااي مرة حلو <<<

نصيحة أمهاتية :<<< كثرت النصايح اليوم !

للحصول على أفضل النتائج : خلي الصينية بعد ماتطلع من الفرن لحد ما تبرد شوي .. وصبي عليها الشيرة الحااااااااااااااارة..

أو العكس .. لأن بعض ناس يخزنون الشيرة بالثلاجة من حلى الأسبوع اللي فات <<< زي مين ؟؟ خخخخ

فتكون الصينية توها طالعة من الفرن .. والشيرة باااااااردة ..

يمي ..يمي

عليها طعم .. جونااااااااااان.. <<<< نصيحة الماما الله يحفظها لي ..

على فكرة .. / لازم الفرن يكون حااااااااار قبل لا تدخل البسبوسة الفرن .. <<<< أدري تعرفون بس من باب نشر العلم ^_^

وادهنوا الصينية بزيت ... وسلامتكم ..