 ×× مواقف اطفال××
بسم الله الرحمن الرحيم
مساء الخيرات حبايباتي ..
كيفكم ..؟؟
هذي مواقف قريتها وأعجبتني كثير ووسعت صدري وقلت خلوني أوسع صدركم معي
طبعا من العنوان هي مواقف أطفال الابتدائي ,, ياحبيلهم وربي بريئيييييين
يالله نبدأ مع أول المواقف وفي النهايه أبي كل وحده منكم تكتب موقف حصل مثل كذا
منها تمتعونا وأنتم تستمتعون وتعيدون أيام أول
الموقف الأول :
> طفل قعد يبكي في اليوم الثاني من الدراسة، سأله المدرس: ليه تبكي؟
> قال:ما لقيت فصلي!!
> قال له المدرس: إنت في أي صف يا شاطر؟
> قال الطفل: أنا في صف ثاني
> أخذه المدرس لفصل ثاني و دور اسمه و مالقاه
> فقال له: اسمك ماهو في ثاني إنت أمس
> وين كنت؟
> قال الطفل: أنا أمس كنت في ' أولى ' بس اليوم أصير في ثاني ..!!!
@@@@
> في بيتنا كذا ..!!
> طفل مسكين احتاج الحمام و راح له.. و بالصدفة مر أحد المدرسين جنب الحمام..و تفاجأ إن فيه ملابس كاملة مكومة خارج الحمام من ثوب و فنيلة و سروال و جزمة و شراب !!
> المسكين الطفل بعد ما خرج من الحمام .. قالوا له: ليه كذا ؟
> قال:أنا كذا أروح للحمام في بيتنا
@@@@
> أكلمك من عند الملك عبدالله
> طفل داوم معاه أبوه أول يومين و في اليوم الثالث قال له:أنا بروح للعمل و إذا احتجت أي شي رح يم هالرجال و اللي هو مدير المدرسة..و المدير يلبس نظارة و عنده سكسوكة و بعد ماراح الوالد بفترة قعد
> الطفل يبكي و راحوا به للمدير.. و المدير اتصل على الوالد و أعطى التلفون للطفل يكلمابوه.. فسـأله أبوه إنت من وين تتكلم ؟
> قال الطفل: أنا أكلمك من عند الملك عبدالله..
هذي ضحكتني مررررررررررررررره
@@@@
> ضروري .. نبيك تلعب معانا !!
> طفل آخر من المستجدين ذهب في وسط الدراسة لفصل أخوه، و قال للاستاذ: ممكن اخوي
> ضحك المدرس و قال: ضروري؟
> قال الطفل: إيه ضروري مرة..
> المدرس توقع إنه محتاجه يوديه لدورة المياه، فقال لأخوه إطلع معاه
> و لما طلع،قال الطفل: لأخوه تعال نبغاك تلعب معنا.
@@@@
> فشلتيني يا ماما !!
> و هذي أم تقول..بنتي في الحضانة.. أول يوم راحت.. انبسطت و كل شي تمام.
> لما رجعت قالت لي:يا ماما انت فشلتيني!!حاطتلي فطور يكفيني انا لحالي ترا حنا بالفصل واجدين ..و الساندويتش ما كفانا كلنا و لا بقى لي شي!!!(أثرها توزع على الدنيا.. تحسب
> الفطور قطة!!!!)
> و نفس اليوم قبل ما تنام قالت لي: ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة ..
@@@@@
ههههههه أتمنى أعجبتكم المواقف واستمتعتو في قرائتها .. |