| 8
8
لا تكفين غاليتي إشراق إلا زعلك
حطي عذر للأخوات فزي مانتِ عارفه نهاية الترم قرب واختبارات وظروف تمنع من تواجد الأخوات بشكل دائم .
اختبار القدرات
اتسائل مثل الغاليه لقاء : إن كان هو اختبار للقدرات فليه مايراعون القدرات فعلاً !!
لنرى : بنت تتخرج بنسبة 95 % هذه النسبة مدعاة للفخر ورفع الراس انها قدرت تتخرج من الثانوية بهذه النسبه الممتازة جداً ... وسابقاً تدخلها أي قسم وهي مغمضه عيونها حتى الطب
الحين هذه النسبه صارت مدعاة للشك بسبب هذا الاختبار !!
قال احد المشرفين على هذا الاختبار في لقاء على قناة المجد لأحد الطلبة اللي أخذ نسبة 96 او 95% وحصل في اختبار القدرات على نسبة 60% انك حصلت على نسبة الثانويه بدون استحقاق !!
كيف وهو خريج ثانويه حكوميه مو أهليه ؟
وين راح سهره وتعبه ومذاكرته طول الليالي وتميزه بين زملائه الطلبه وتفوقه عليهم ... كله يروح في اختبار يحتوي على اسئله مادرسها ولا مرت عليه ؟؟
وهو مايُقبل واللي متخرج من الثانويه بنسبة 70% يُقبل في الجامعه ؟!!!
ظلم وظلم كبير
كانوا يبون يحققون العدل لأن كثير يدرسون سنة ثالث في مدرسة أهليه عشان يجيبون نسبة عاليه تأهلهم للدخول في الكليه او الجامعه ، فاطلعوا بهذا الاختبار الغريب العجيب اللي يحوي على اسئله صعبه ماهي بسهله ومو الكل يقدر يحلها لإختلاف القدرات ... !!
ماادري هل البنات بعد يدفعون ثمن هذا الاختبار ؟
خبري ان الاولاد يدفعون مبلغ اذا كانت لهم الرغبه في الدخول لهذا الاختبار !؟
ومع كذا ماتسلم الجامعات من دخول طلبه كثير بالواسطه ... ليتهم يلقون حل لهذه المشكله اللي هي اهم من غيرها .
اعتذر على الاطاله غاليتي
لكِ مودتي
.. |