:: منتديات الشوامخ النسائية :: - عرض مشاركة واحدة

روح العسل · 06-08-2007, 01:01 PM

o0o0o0o0o0o0o0o0o0o0o0o0oo0o

السلام عليكم ورحمة الله وبركاته
ياهلا والله وغلا فيكم وحده وحده

وربي مدري وشلون اوصف شوقي لكم ومن كثر ما انا مشتاقه صرت احورف(احاول) بجوالي عشان ادخل لين صكت الفاتوره ابو ابوها:ad50:

الموهيم
بقولكم قصة العودة الى ارض الشوامخ>>يمديكم ع الثقافة

في اخر يوم من رحلتي القصيرة في هذاك الجو البدييع يازينه من جو مو بالرياض احس اني انشويت من الحر الله ينجينا بس من جهنم

في هذاك البحر اللي يحبة قلبك صح انو الجو مو بارد مرا بس ارحم بواجد من الرياض >>اخلصي

ومع ذاك الجو العليل في قرابة الساعة الثامنه بتوقيت جرنيتش >>لاتصدقون

قلنا بنمشي للمطار مابقى وقت وتخبرون الزحمة
طبعا نقزت انا بكشتي قلت لاااااااااااا وشوله نروح الحين تو الناس والله من جد بدري
حتى طيارتنا كانت الساعة احدش الا دقيقة

قالوا خلاص بنجلس وعقبها انفرجت اساريري>>متعوب عليها

جلسنا لين الساعة 9 ومشينا بس مو للمطار جلسنا نلقي النظره الاخيره ونتمشى بس >>متأثرة بالجرايد

وعقبها مشينا طبعا بتقولون بدررررررررري اكيد بس صار مالم يكن في الحسبان

وحنا نمشي بالطريق ولا ذيك الزحمة والدوريات شي مو طبيعي

الوقت قام يركض وحنا نلحقة

ويوم خلاص مابقى شي ع المطار

صار الطريق مسدود>>من زين الحظ

الوقت طااار بسرعة والاشارات ذاك اليوم ياهي طوييييييييله

تصوروا البوردنق باص ماقطعناه ولا شي والسياره بنشحنها يعني انواع الحووووووسه

وانا حاطة يدي على قلبي الله يستر ماتروح علينا الرحله

تقريبا الساعة كانت احدعش الى شوي يعني خلاص مافيه وقت

تبون الصدق استانست ماودي ارجع للرياض بس لاتعلمون احد

الموهيم وصلنا بحمد الله وتوفيقة الى المطار بس المشكله انو ابوي بيروح يشحن السياره يعني يبي له وقت رايح جاي عند الشركة تبع النقل

راح اخوي الموقر يقطع البوردينق باص

وتبون الصدق استسلمنا >>صارت حرب

يعني قلنا يمكن خيره لو مارجعنا اليوم لانو خلاص مابقى ع الرحلة شي والوالد مو في المطار>>حلوها

وحنا جالسين ويجي اخوي يقول تأخرت الرحله لين الساعة وحده

بصراحة استانسنا يعني صار عندنا متسع من الوقت
وادق ع ابوي واعلمه

ياشين اللقافه
صار اخوي معلمه قبلي طاح وجهي بس الحمدلله اني متغطيه محد شاف وشولن كان وجهي

الموهيم رحنا سألنا قالوا اصلا الطيارة فيها عطل كبير احمدو ربكم ماركبتوها والرحله انلغت
وشولن :ad50:

كيف :ad50:

محد يدري

انا لله وانا اليه راجعون وش هالبلشة

طبعا الخبر ماقالوا الا الساعه وحده يعني الحين كنسلنا الشقة وشحنا السياره
صرنا بلا مأوى
>>نكسر الخاطر

الموهيم الوالد الله يحفظة رايح جااي

جااي رايح

يدور ع حجز قريب

رجع خائبا

وسبحان الله الاستغفار كان له اثر عجيب
لقينا رحله الصبح

وعدنا الى الرياض سالمين غانمين

ياهو حررر
شي مو طبيعي جتني حاله اكتئاب مزمن مع وقف التنفيذ

قسم بالله أول يومين طاقتني غلقه من ذا الحر

على حرارة مكه الا انها أبرد من الرياض قررررف

احسن اختراع بالعالم المكيفات >>بدت تخرف

وتصدقون انو سخانة المويه تشتغل لحالها >>كككككككككككك

انا مارحمت الا اللي عندهم دوامات وشولن بيمشون من هالحر

الصيفية الجاية بهاجر للقطب الشمالي

بطق خيمتي هناك من يخاويني

o0o0o0o0o0o0o0o0o0o0o0o0oo0o