السالفه وما فيها أبي خمس دقايق من وقتكم الثمين .. عزيزاتي .. أكيد إنكم شايفين الناس هالأيام كيف قاعدين يسعون ويتفننون في طلب الرزق .. هذا راح ياخذ قرض ودخل بالأسهم وهذاك طول يومه بمعارض السيارات وهذاك طاحت عيونه من كثر ما درس وسهر وتعلم .. وهذا ما عاد شاف أهله من كثر ما يدور على تجارته.. و و و و و .. وبصراحه ما أحد يلومهم .. الكل يبي رزقه يكثر وينبسط بحياته .. بس فيه شغله ناس كثير جدا جدا ما فكروا فيها .. حتى أكبر العقليات الإستثماريه ما جت على بالهم إلا من رحم ربي .. يقول الله سبحانه وتعالى { فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا * } .. الإستغفار : يااخواتي الإستغفار سبب رئيس لأشياء حلوه في حياتنا .. أشياء ياما وياما تمنيناها .. من فينا ما يحب المطر ..؟ من فينا ما يحب المال ..؟ من فينا ما يحب يكون عنده أولاد وبنات ..؟ من فينا ما يحب يعيش بوسط جنات وأنهار في الحياه الدنيا ..؟ هذي كلها أشياء خياليه .. من جد خياليه .. وماهي صعبه ولا مستحيله على رب العالمين سبحانه .. الله قادر إنه يحققها لنا .. بس إذا حققنا المطلوب منا .. وش المطلوب منا ..؟ شي واحد وبس .. ولا أسهل منه .. {الإستغفار} والإكثار منه .. طيب والنتيجه ..؟ أنا أقولكم النتيجه : الإستغفار سبب في نزول المطر {بإذن الله} .. وسبب في زياده الرزق .. وسبب في إن الواحد منا يرزق بالذريه الصالحه إن شا الله .. وسبب في تحول أراضينا إلى جنات وأنهار .. وهذا مو كلامي ولا كلام الشيخ فلان .. لا هذا كلام الله سبحانه .. الله الله في الإكثار من الإستغفار .. {استغفر الله الذي لا إله إلا هو الحي القيوم وأتوب إليه} .. ملاحظه : إذا استغفرنا ربنا الحين ان شاء الله لنا الاجر ..تخيلوا نفسكم يوم القيامه وإنتم واقفون والله سبحانه يحاسبكم .. وقتها تتمنوا مو حسنه نص حسنه .. وما تدرون إلا وعندكم جبال كبيره من الحسنات والأجر والثواب ان شاء الله .... احبتي لنرسل هذه الرساله الى اخواتنا في الاسلام الى اهلنا الى احبائنا ولنا الاجر ان شاء الله .. اسأل الله العظيم رب العرش الكريم بأسمائه الحسنى وصفاته العلى أن يجعلني وإياك من أهل الجنه .. آمين ..

السلام عليكم ورحمة الله وبركاته

هلاوغلا
أختي00 موضوعك شيق صراحه أحنا نعيشه في هالزمن00