فضيـــحتي مع القهـــوة..!

شـ شموخي ـوفوا! · 17-06-2008, 11:05 PM

بسم الله الرحمن الرحيم ..

خلوني أبدأ بدون مقدمات .. لأن الموضوع ما يحتمل تفلسف ..

يا جماعة الخير .. قدر الله علي و.. في لحظة تهور ..

إني نزلت موضوع – وليتني لم أفعل - عنوانه ( شوفوا الذرابة يا عيني ) ..

للاستزادة انظر بعد أن تنقر هنا ( http://http://www.alshwamkh.com/vb/t11475.html ) صفحة 1

أما أنا وما فعلته .. فيا للهوووول ويا للأهرامات ويا لبرج إيفل ..

ويا لحدائق بابل المعلقة <<< درينا إنك حافظة عجائب الدنيا صمّ !

واقرأوا القصة من أولها /

في أول أيام إجازتي المصونة .. بدت القهوة تنفد من مطبخنا العزيز .. فنادتني والدتي العزيزة: "يا شوشوووو..

هُبِّي إلى المطبخ واطحني لنا قليلاً من القهوة ..

بس انتبهي .. ترى فيه نوعين ( غامقة –أي محموسة كثيراً_ .. و فاتحة _ أي محموسة شوياً
_ ) ..

خوذي من كل نوع شوي واطحنيهم سوى .. وحطيهم بعلبة القهوة .."

قلت: بسسسس .. إزهليها ( يعني إعتمدي علي ) !

وأركض والمخ الفاضي اللي ما لقى له كتاب يملاه ( مثل ما قلت لكم .. أول يوم اجازة ) ,,

وأفتح خزانة القهوة .. وألقى نوعين .._ مثل ما قالت أمي ..

وأبدأ بسم الله وأشمر عن ذراعاي النحيلان ..

وأعبي الطاحونة شوي من هذا وشوي من هذا ( عشان يطلع اللون وسط .. )

ومع صوت الطاحونة المرتفع .. ارتفع صوتي يصدح ويغررررد كما البعارين في قن الغنم .. ( والقن لمن لا يعرف هو عش الأفعى ) .. هع

يعني العمــة _ أنا _ طرباااااانة .. ولا هي شايلة هم الدنيا ولله الحمد ..<<< من ما ينبسط باجازته ؟!

وأبدأ أطحن .. وأعجبتني الشغلة .. ع الأقل أستفيد من وقتي بما إني ما بعد خططت لعطلتي الطويلة ..

ويخلص الرد الأول ( أي الطحنة الأولى ) .. ثم الثاني .. والثالث .. وهكذا إلين خلصت نص الخيشتين .. هع هع تحممممست البنيّة !

ولا عكنن علي ( أي خّرب مزاجي ) إلا شيء واحد وتافهة لا يعتد به /

ألا وهو :

.. { لاحظت أن الحبات الفاتحة .. ما تنطحن بسهولة مثل الغامقة ..
حتى إنها صارت ملفتة بكسراتها الكبيرة جوى علبة القهوة!

بس عادي .. أهم شيء إن الماما الحبيبة إذا قامت بكرة تسوي قهوتها .. تلقى العلبة مترووووووووووسة إلى راسها بالقهوة اللي تبيها ..وتنبسط وتدعي لي ..!

وجــاء الغد ..

وإذا بأختي يا لفضيحتي ..

شوشوووو ؟ وين مخك ؟

_ أنا بدون استيعاب : وشو ؟!

_وش اللي طحنتيه أمس ؟

_هع .. طاحنة خيار .. وشو يعني لا تستعبطين !

_ياااويلتس من أمي ،،

وطلعت وأنا مدري وش الطبخة ..

ولا وش قصة التهديد.. وإذا بالصدر الحنووون الله يطول بعمرها على الطاعة _ وامهات القارئات - .. بعد ما طلعت أختي المُرْجِفَة ..دخلت أمي على طول :

شوشووو ؟

وألتفت عليها بذيك النظرة اللي تفطر القلب <<< نظرة المرعوب الذي يواجه مصيراً مجهولاً .. _ لحظة بجيب منديل أمسح خشمي ..تأثرت..

بمجرد ما إلتقت ( عينانا ) ..انفجرت أمي بالضحك .. الله يكفينا شر الانفجار ..

قالت :

"أقول يا أمي ..؟ هنا أحد يطحن القهوة اللي ما حُمِسَت ؟!"

سألت مستفسرة : وش قصدك ؟

قالت : "تبين تشربيننا قهوة نيّة ؟! بالله عليك ما لاحظتي اللون الأخضر ؟"

وكدت أقع مغشياً علي من هول الصدمة ..

يعني بالله وين أودي وجهي ؟

ضاع تعب أمي ( تربية كذا كذا عاماً ) في مهمة طحن قهوة !!

وش تعلمني من أول وجديد بس ..؟

آسفــــة يمه .. بس أنتي لو ما اقترحتي علي أخلط نوعين .. كان بديهي بأنتبه للخضراء ولا راح ألمسها ..

بس أنا إنسانه تهمني التعليمات ( قالت كيسين .. خلاص كيسين لو واحد منهم كيس بصل .. لازم أسمع الارشادات ..)

وحسب ما في بال أمي ذاك الوقت .. إن فيه 3 أكياس قهوة ( محموس جيداً .. محموس غير جيداً .. وغير محموس إطلاقاً )

وكان المدعو ( محموس غير جيداً ) قد نفد من خزانتنا وتم ترحيله إلى بلد المنشأ ليعاد تصنيع كيسه ..

وأنا على بالي إنه فيه 2 فقط .. وهما ما كانا في الخزانة ..

وتوتة توتة .. خلصت الحتحووووتة ..

+_+_+_+_+_+_+

أجيبي عن السؤالات التاليات /

س1 ما ذا كانت شوشو تنوي الوصول إليه من خلال سردها للتفاصيل وإهمالها لشعرها .. ( عفواً ) .. لإهمالها عموماً ..؟

س 2 / ماذا لو كنتي مكاني وأنا مكانك .. ؟ هل ترضين تبادليني وأعطيك عسكريم ؟

س3 محذوف .

س4 أيضاً محذوف .

س5 كمان محذوف .. <<< كمان وإلا بيانو ؟ خخخخخ

س6 هل تعلمين أنك إذا تشمتّي فيني فإنك بعد مدة بتلاحظين إن الله بلاك بما هو أمر وأدهى ..؟! <<< هذا سؤال وإلا فقرة في الإذاعة الصباحية ؟ خخخخخ

س7 اختاري الإجابة الخاطئة من بين الأقواس ..

( نعم – ربما – لا أدري)

ورأس السؤال استنتجوه من الاختيارات .. هع هع

وبس يا شامخات ..

كتبت قصتي وعصارة تجربتي .. لسببين ..

1- عشان اللي كارهة نفسها من غباء مواقفها
.. تجي وتشوف غباء الموقف مال أنا ( ولا أتكلم عن غباء العقل لأنه عطاء رب العالمين )

2- لنفس السبب أعلاه ..

هع هع.. وصلى الله على نبينا محمد ..

نبض الوفاء · 18-06-2008, 01:32 AM

هههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههه

هههههههههههههههههههههههههههههههههههههههه

ههههههههههههههههههههههههههههههه

اللهم لا شماته

ماشااءالله انتي مطيعه حيل

لحظه ماخلصت ضحك
هههههههههههههههههههههههههههههههههههههههههههههههههههههههه

ااه ياربي بس

شوفي شي طبيعي وانا اختك التخريب والـحوسه اللي سويتيها

امي الله يرجعها بالسلامه دايمن كل ماخبصت ولا سويت نفس سواتك اللي ماتنسوى اساسا

تقول عادي ولايهمك الوحده اللي ماتخرب وتحوس ماراح تطلع سنعه وراعية بيت

<< تعطيها دافع معنوي

صحيح مو هاين علي يروح كيس القهوه هباءا منثورا

عشان هالشي اقولك بمعنى اخر ارقع لك

محد طلع من بطن امه متعلم

وعندك الصيف طووويل تعلمي بسس شغلي كل حواسك

اخاف المره الجايه تجيبين العيد على قولتكم

الله يونسك بالعافيه يارب ويسعدك

ضحكتيني اللي يسمع صوتي يقول انهبلت

وان شااءالله تنذكر وماتنعاد

ونسمع ونسلم يارب هههههههههههههههههههههههههه

همتي العليا · 18-06-2008, 02:12 AM

هههههههههههههههههههههه

هئ هئ هئ هئ هئ هئ هئ هئ هئ

هاهاهاهاهاهاهاها

هع هع هع هع هع

والله تعبت من كثر ما اضحك
الله لا يبلانا

هههههههه
شوشو

لاعاد تفلسفين
يا قلبي
تقبلي مروري
وضحكي

نهــــاوند · 18-06-2008, 09:25 AM

تدرين شوشو وش يقولون عن التعامل مع الحاسوب (ياام تخصص)
تعاملي معاه كانك تتعاملين مع اغبى شخص في العالم
عشان لما تعطينه اشارات لابد تكون دقيقة لابعد الحدود بــ (1 0)
وانتي حطمت هذه المعلومة بفعلتك الشنيعة التي لا تغتفر ولو لا الكره الازلي الذي اكنه للقهوة لترافعت عنها في المحاكم ولالبستك قضية اهمال وتسيب في حق المدعوة
مطالبين بتعويض لا يقل عن مليار يورو وتقديم خدمات اجتماعية (تحميس القهوة وطحنها )لمدى الحياة ..
اقول يالحبيبة عطيها خير
... خل عنك المطبخ وتسمري امام البلايستيشن

๑همتي دعوتي๑ · 18-06-2008, 01:59 PM

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخ

يقطع شرررررررررررررررررك

وربي ضحكت لين فلت بس

واهي شكوا اني انهبلت

اهم شي الاسئله

خخخخخخخخخخخخخخخخخخخخخخخخخخخخخخخخخخخخخخخ

مجنووووووووووونه انتي

شــهــد · 18-06-2008, 07:28 PM

؛

يدي تحكني أكتب المزيد من فضائح شوشو ومخها اللي أخذ إجازه هههههههه

يسعدك ربي

أجل لاأحد يتشمت عشان مايبتلي هاه

الحمدلله أن أمك طيبه وحبوبه ولا كان تبرت منك أجل استقويتي على القهوه النيه خخخخخخ

يسعدك ربي وبإنتظارك في الصيفيه

؛

نور وسط الظلام · 19-06-2008, 06:28 AM

وش السيناريو الحلو..الصراحه اعذرك..لازم تاخذين دورة اعادة تهيئه ..عشان الاجازه..

اقتباس:

المشاركة الأصلية كتبت بواسطة شـ شموخي ـوفوا!;

س 2 / ماذا لو كنتي مكاني وأنا مكانك .. ؟ هل ترضين تبادليني وأعطيك عسكريم ؟

الله لا لا...عطيني شوكولاطا سااااايحه..


العضوة المميزة	الموضوع المميز	المستشارة المميزة
ღ زهرة البستان ღ شـ شموخي ـوفوا! ღ عزوف ღ	ღ .. سلسلة المعجزات النبوية في الطب الحديـــث ‏ ღ لـ شـ شموخي ـوفوا!	ღ بنت الريف ღ


سويسرول سوما و لا بلاااااااااش قررررب ( المشاركة الأخيرة بواسطة : عزوف ، عددالمشاركات : 14 ، عددالمشاهدات : 141 ) » لـــماذا يـــــا طــــــلابــــ العلم ـــ *بقلمي * ( المشاركة الأخيرة بواسطة : محبة للإسلام ، عددالمشاركات : 4 ، عددالمشاهدات : 37 ) » كنافه لا تفوتكم لذيذذذذذذه بالصور ( المشاركة الأخيرة بواسطة : عزوف ، عددالمشاركات : 4 ، عددالمشاهدات : 25 ) » لماذا السمع قبل البصر ؟؟ ( المشاركة الأخيرة بواسطة : محبة للإسلام ، عددالمشاركات : 6 ، عددالمشاهدات : 34 ) » كنافة بالمارس ... بالصور ( المشاركة الأخيرة بواسطة : عزوف ، عددالمشاركات : 1 ، عددالمشاهدات : 7 ) » طلب برامج نوكيا 5200 ( المشاركة الأخيرة بواسطة : محبة للإسلام ، عددالمشاركات : 7 ، عددالمشاهدات : 59 ) » حقــــرص بقــــرص جعــــل اللي مـــا يــرحب يفــــطس (= ( المشاركة الأخيرة بواسطة : عزوف ، عددالمشاركات : 14 ، عددالمشاهدات : 84 ) » أول قطره ( المشاركة الأخيرة بواسطة : عزوف ، عددالمشاركات : 7 ، عددالمشاهدات : 47 ) » راجية الغفران حلت ضيفة عندكم ( المشاركة الأخيرة بواسطة : عزوف ، عددالمشاركات : 10 ، عددالمشاهدات : 45 ) » حديث الشيخ...قصة مشوقة ورائعة ( المشاركة الأخيرة بواسطة : فداء الاقصى ، عددالمشاركات : 1 ، عددالمشاهدات : 7 ) »