سالفتي مع الناموسه .....اقلطو منتو خسرانين شي <<<<حالفه

cute.501 · 07-07-2008, 04:43 AM

بسم الله الرحمن الرحيم..

هالقصه لعيونكم واتمنى تعجبكم واذا مااعجبتكم والله عاد مو
مشكلتي..<<لاحول من اولها طالبه حرش..

القصه طويله حبتين اللي رايق يقرى واللي مستعجل يضف قشه ويرجع لاروّق..

في ذات يوم.. كان المطر ينهمر فوق مكيف غرفتي ..اللي طبعا راح يكون مكيف صحراوي من عصر جد أبو جدي..

وكانت الساعه تشير إلى الواحده بعد منتصف الليل ..والعرب رقود.. وكنت أنا منبطحه على سريري وأفكر

وأقول لنفسي:ورى ماتنخمدين أنتي وخشتك.. وراك من صباح رب العالمين(الله لايشقينا)مدرسه.. وفي هذه

اللحيظات وأنا أستفكر(فعل أفكر<هذا من زود وأنا أختكم الفلاحه في النحو)

المهم جات ذيك الناموسه ..اللي وش كبرها تقل صقر..

وتوقف على خشمي(عاد الخشم ماشالله ..انا أشك أنها كانت تحسبه مدرج طيارات.. ووقفت بتعبي بنزين.. ولا

كان عندها هبوط اضطراري)هذا كان أحساسي للوهله الأولى..

مير اكتشفت أنها كانت بتقرصني<أبوووووو الذكاء صدق أني فطنه.. الله يكفيني عيون خلقه)وفيما الناموسه تحاول

أنها تدخل خرطومها في خشمي..

رفعت أيدي وقلت:أنا بنتك يابوي.. ماعاد إلا هي ..ناموسه تقرصني!(أجل وش تبي بك)

وأتوكل على الله( ياذابح يامذبوح) ماأمداني بأفعص خشتها..

إلا تقولي الناموسه:لحظه ياأم الشباب شسالفه!؟

أنا بصراحه صعقت أول شي ..شلون ناموس يتكلم أنا أخبره يطير(ماقلتلكم فطنه)

قلت:خير انشالله.. أنت اللي شسالفه؟تراك واقفه على ممتلكاتي الخاصه..

قالت:أنا جايه من معشر الناموس.. وبأسلم عليك.. وأعرف سلامكم يامشعر البشر بالخشوم(مبين عليها ناموسه

مثقفه)

قلت:وألحين أنتي بتحبين خشمي؟.

قالت:على هواك(وواضح أن عندها أسلوب)

المهم قلت:والله مايغلى عليك.. وعطيتها خشمي.يوم جات تحبه

قلت:لحظه!!!!!وقفت وطالعتني..

وأشك أنها تقول في نفسها:لعنبو ذا السلام اللي ماراح يخلص ..كنا ميتين على ذا الخشم ..والله أني خايفه بعد

السلام لا تجيني نزله معويه..

قلت:أولا بسألك سؤال..

قالت:سمي(أكتشفت أنها من ناموس المنطقه الوسطى)

قلت:أنت ناموس ولا ناموسه؟(ماعليكم سؤال محششه )

قالت:شلون يعني؟(ماألومها إذا مافهمت إذا أنا نفسي مافهمت)

وأتدارك الفشيله.. وأرد عليها:أنا قصدي أنتي مذكر ولا مؤنث(للأحاطه كان علي بكره أختبار نحو وعزالله فلحنا)

قالت:بسيطه أنا ألحين بأطير وإذا قالو طارت فأنا أنثى ..وأذا قالو طار فأنا ذكر(في هاللحظه شكيت أن الناموسه

محششه)

و تضحك الناموسه ضحكه تقل ضحكه مارد(والله مهيب هينه ذا الفصعونه)

قالت:صدقتي أنا ألعب عليك(هنا أرتحت أجل في أنصاف ذا الليلول قاعده أكلم محششين)

كملت كلامها ..قالت:أنا ذكر ليش؟.. وأقوم أقحص وألبس برقعي وشيلتي (على أساس محتشمه)

وأقول له:حنا عندنا في سلومنا.. أن الرجال مايسلمون على الحريم (أخس يالثقافه مهوب السلوم بس حتى في

الدين ياخبله)

قالت:يعني بعد كل ذا الحكي والنقاشات ماني حابه خشمك؟(ماألومها نشفت ريقها)

قلت وأنا مستحيه:الأمر خارج أرادتي..سكتنا شوي ..

قلت وأنا أبي أقطع حاجز الصمت(لعنبو غيرك أي صمت من متى تعرفينه؟)

قلت له:شلون الأهل؟(يازيني ساكته)

قال:هذا الموضوع اللي جايلك عشانه..

قلت:خير انشالله عسى مافي الجماعه شي(ماشالله تمونين)

قال:أنتو يالبشر أبلشتونا في حياتنا.. ماعاد عرفنا نترزق الله..

قلت:أحول وش سوينالكم..

قال:كل مادخلنا بيت أوغرفه وجينا نشتغل(قصده يقرص)إلا يطلع لنا **ريد** مبيد الحشرات الزاحفه والطائره

وإذا غيرتو جبتو **بف باف**(تراني اسويلهم دعايه)

قلت:أجل وش الطاري..أكيد بيرشون عليكم فليت اجل هي وكاله من غير بواب..

قال:ياخي حرام عليكم والله لو تجي تشوف ابناء عشيرتي اللي منفعص واللي متسمم من مبيداتكم واللي مجبر

خرطومه..يعني حاله مايعلم فيها الا الله..واذا تبين الاثبات تعالي معي اوريك بعينك..

قلت:يالله معك قدام بس اصبر اجيب معي مجهري..

ويوديني لم مستنقعهم والا وش اشوف بصراحه كسرو خاطري<<البنت قلبها رحوم..

وبينما انا تفحصهم تحت المجهر الا وينط لي واحدن من جماعته شكله والله العالم انه سكران..

ويقول:عليكم بها ياقوم انهم من يقتلون اباءنا ويشردون ابناءنا..

قلت:لحظه يابوجهل وش السالفه..؟؟

وشوي ماوعيت الا حزب مليان ناموس جايه باتجاهي وانا اللي افرك رجلي وماعاد شافو الا غبرتي..

وطردي وراي لين دخلت لي تحت كرتون واقوم واطلع الكشاف حقي واولعه الا ناموسه معي تحت الكرتون

وعيونه حمر وتهجم علي..

وشووووووووووووووووووووووووووووووووي..

الا اقوم من النوم مفزوووعه وكشتي طايره وحالتي حاله..

اثاري كل هالدعثه طلعت حلم..

واتحمد ربي انه كان كابوس وراح..وانفرجت اساريري..<<ابوك يالفصحى..

واروح وانتم بكرامه الحمام ابي اغسل وجهي الا اشوف....
7
7
7
خشمي مقرووص تقل خشم عجوز ساحره..

عاد مدري ليومكم ذا هو حلم ولا صدق..

..
القصه خياليه لااحد يتفلسف علي..ويقول متى قرصو خشمك..

خخخخخخخخخخخخخ
..
اتمنى اعجبتكم وتراها قصه من الارشيف..
لا تنسون ردودكـــــــــــــــــــــــــــــــــــــــــــــــــــــــــــــــــــــــــــم

بنت الريف · 07-07-2008, 05:06 AM

..

مشكورة يالغلا

راح اقراها بوقت ترويقتي >>> مو انتي قلتي اللي مو مروق يجي بعدين

يعطيك العافية

" تم نقله للاستراحه "

..

اغتراب · 08-07-2008, 03:53 AM

ههههههههههههههههههههههههههههههه

<===حبيبة الناموس

يعني قصتك فيلم رعــــــــــــــب بالنسبه لي خخخخخخخخخخخخخخخخ

الله يوسع صدرك بالعافيــــــــــــــــــه......

زي ماوسعتي صدورنا

بنت الريف · 08-07-2008, 05:07 AM

..

هههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههه

ههههههههههههههههههههههههههههههههههههههههه

انا اللي بعلمك يا حلوة ،، معنى كل ذا

بوقت حلمك ،، كانت الناموسة ماخذه راحتها وتحلب على خشمك >>> وراه ناقة !

خخخخخخخخخخخخخخخخخخخخخ

يعطيك ربي العافيه

وسعتي صدري على هالفجر ،،

بعذرك ماالومك على ذا الحرب ،، من جد متنــا منهم هالنواميس

يسلمك ربي ،،

..


العضوة المميزة	الموضوع المميز	المستشارة المميزة
ღ سـيـدة الـورد ღ ‏ام بلال وخناس ღ// شموخ أنثى //ღ	ღ ][®][^][®][ مـجـلـة الـشـوامـ خ الـ م ــتـنـوعـة ][®][^][®][ لـ سـيـدة الـورد ღ	ღ بنت الريف ღ

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري


!!!....أحلــــى مـــ,,,ــــج بجوووالكــ....!!!.. ( المشاركة الأخيرة بواسطة : ياسمونه الحلوه ، عددالمشاركات : 1 ، عددالمشاهدات : 2 ) » **·~-.¸¸,.-~ كـــن كالمــــاء ·~-.¸¸,.-~ ( المشاركة الأخيرة بواسطة : ياسمونه الحلوه ، عددالمشاركات : 4 ، عددالمشاهدات : 17 ) » البكتيريا المسببه للإجهاض ( المشاركة الأخيرة بواسطة : ياسمونه الحلوه ، عددالمشاركات : 4 ، عددالمشاهدات : 17 ) » للمتميزين فقط ... ( المشاركة الأخيرة بواسطة : ياسمونه الحلوه ، عددالمشاركات : 8 ، عددالمشاهدات : 56 ) » الــــدورة الرمـضـــانيـــــــــة ( المشاركة الأخيرة بواسطة : ياسمونه الحلوه ، عددالمشاركات : 2 ، عددالمشاهدات : 10 ) » ][ هنا تَكْمـُـــــنُ العِـــــــزَّةُ ][ ( المشاركة الأخيرة بواسطة : ياسمونه الحلوه ، عددالمشاركات : 2 ، عددالمشاهدات : 10 ) » زخرفي النك نيم ( المشاركة الأخيرة بواسطة : ياسمونه الحلوه ، عددالمشاركات : 9 ، عددالمشاهدات : 24 ) » سارعي بتقبيل حبيبتك .... ( المشاركة الأخيرة بواسطة : ياسمونه الحلوه ، عددالمشاركات : 7 ، عددالمشاهدات : 27 ) » أريد أن أراجع حفظي... ( المشاركة الأخيرة بواسطة : غصون الخير ، عددالمشاركات : 32 ، عددالمشاهدات : 374 ) » الردود لموضوع //مرجع التفسير لبعض الآيات // .** ( المشاركة الأخيرة بواسطة : بنت الريف ، عددالمشاركات : 2 ، عددالمشاهدات : 19 ) »

الذين يشاهدون محتوى الموضوع الآن : 1 ( الأعضاء 0 والزوار 1)