موضوع مهم ( أرجو منكم يالغاليات المشااااركة ) - الصفحة 2

off said · 02-02-2005, 12:52 AM

وعليكم السلام

ها ادمع

تسلمين على رسالتك وعلى احلى موضوع

اسفه تاخرت المعذره

عندي على ماعتقد اضافه بس الان جدا مو مركزه فيني زكام وصدااااااااااع كسر راسي قريت الموضوع والردود كذا مره عندي شي ابغى اقول واضيف بس مو قادره اركز ابداً

لكن الاكيد انها فكره رائعه ,لاحرمتي الاجر

لي عوده ان شاء الله

وردة اسحار · 02-02-2005, 07:41 PM

السلام عليكم ورحمة الله وبركاته؛؛؛؛؛؛؛

ادمع الفجر الله يجزاكِ خير الجزاك غاليتي،،،،،،

ومثل ماقالوا البنات،،،،

مستعدين نكون معاكم دام ان الموضوع فيه خير

وبارك الله فيكم جميع

أدمع الفجر · 02-02-2005, 10:09 PM

أخواتي الغاليات جداً جداً
بارك الله فيكم
تسلموووووون
الغالية أوف سايد سلامتك .. ما تشوفين شر إن شاء الله
الغالية وردة أسحار .. وردتنا .. ربي يبارك فيك ..
بإذن الله نبدأ مع بعض ....
ها بنات .. أتمنى إننا نعرض كل المواضيع اللي معانا عن التدخين ....
وتسلموووووووووووووووون

أدمع الفجر · 02-02-2005, 11:25 PM

حبيباتي الغااااااااليات
جيت ومعاي المقال اللي قلت لكم عليه
وهذا الرابط
http://www.amrkhaled.net/articles/articles51.html

ها يا بنات نبي الهمة
وفي بعد هذا الموقع عن التدخين http://www.nosmoking.i8.com/

وتسسلمووووون يالغالياااااات

ثلوج · 03-02-2005, 11:18 PM

هلا بالغاليه دموووووووووووووعه

أكيد راح أشاركم بس بديت مشاركتي بأني أخذ رابطين الموقيعين إلي وضعتيهم وحطيته في رساله ليتم تبادله كرساله على الإيمل وكتبت فقره تسبق الموقعين ليشد القارئ وراح احط نسخه من الرساله إلي عملته في الموضوع وأن شاء الله اشدكم الفقره وإذا شدتكم إذاً

الحمد لله وصلت الفكره والعموم بعثتلج دموعه الرساله على إيملج وهاي أهيه النسخه إن شاء الله أكون عملته مفيده وراح أشاركم إن شاء الله أيضاً واسم الرساله قل لي لماذا تدخن؟؟؟؟ وبدورج عزيزتي توزعينه وإن شاء الله اتعم الفائده أشكرج على جهدج والله يعطيج العافيه ولقد أطلعت على الموقعين جداً رائعين فستخدمتهم لان الموقعين يوصلون فكره عامه عن التدخين

*************************************

السلام عليكم ورحمة الله وبركاته

قل لي لماذا تدخن؟؟؟؟؟؟؟؟؟

هل طرح عليك هذا السؤال أيها المدخن هل تريد أن تتعرف على التدخين أكثر

لا اعتقد انك تعرف أشياءكثيره عن التدخين من المعروف إلي يحب شي يحاول قد ما يقدر يعرف عنه كل شي أكيد انك تعرف عن السيجاره بس عن اشعالها وتدخينها وكيف أطفيها وانها تريح بالك بس تعتقد صج انها تريحك او انك تخدع روحك وصدقك انها اتريحك ها انت متأكد تقدر تثبت انها اتريح أعصابك تقدرتوجد أدله تثبت صحتها لا تقول ان عقب ما دخن انك ترتاح يمكن انك تخيل هالشي يمكن ان انت رسمت هلصوره لنفسك وبديت أصدق انك ترتاح وغيرها من الصور يمكن اتعرف عن مضارها يمكن بس هل انت متأكد انك اتعرف كل شي عن السيجاره آه إذا تبي تتعرف على التدخين تفضل هذين الموقعين وإن شاء الله بيفيدك صدقني راح تستفيد ويمكن قراءتك عن التدخين اتغير حياتك يمكن بعد ما تقرا اتغير نظرتك لتدخين ويمكن صحتك أصير أحسن ويمكن ويمكن بس تبي اتعرف ولا يهمك راح اتلاقي كل الاجوبه موجوده في الموقعين وتستفيد

إن شاء الله

وهذا الرابط

http://www.amrkhaled.net/articles/articles51.html

وهذا الموقع بعد عن التدخين

http://www.nosmoking.i8.com/

أدمع الفجر · 03-02-2005, 11:37 PM

هلاااااااااااااااااا وغلاااااااااااااااااااااااا بالغالية جنان
جزاك الله خيراًً .... و فكرتك مرررررة حلوة .. تسلمين
راح نبدأ بالنشر إن شاء الله تعالى
ها يا بنات أسحار الغاليات .. الهمة .. الهمة
و تسلمووووووووووون

لؤلؤة الزمان · 04-02-2005, 08:24 AM

ماشاء الله .. الله يبارك في الهمم

عندنا اربع روابط الحين ..

الهمة يابنات .. الدعوة تنادي .. فمن يقول :

أنا لها ......؟!

جددوا النوايا وأصلحوا السرائر واحتسبوا الأجر

فعسى الله أن يجعل في هذا الأمر خيراً كثيراً ..

ان شاء الله أبدأ النشر انا أيضاً

أدمع الفجر · 04-02-2005, 08:25 PM

يا هلااااااااااااااااااااااااااااااااااااااااااااااااا بالغالية لؤلؤة
هلا وغلا
الله يبارك فيك ويجزيك خير
وتسلميييييييين يالغالية
أجل يا بنات خلينا نبدأ بالنشر
وتسلموووووووووووووون

off said · 05-02-2005, 08:23 PM

بسم الله الرحمن الرحيم

السلام عليكم ورحمة الله وبركاته,,’’

الله يعطيكم العافيه فديتكم

ماشاءالله اقولكم مريضه انتظروووووووووووووني ماتسمعون الكلام؟؟؟؟

بسيطه ادمعي بذبحك اصبري عليه بس,,’’

انا والعياذ بالله من كلمة انا ابغى اقول شي

اجلسوا جلسة ادب وكل وحده تطالع فيني بس لاتنفتنوا علشاني مره حلوه ههههههههههههههه استغفر الله

الله لايحرمني منكم

انا اقول حبيباتي الموضوع جدا رائع وحماسكم اروع لكن لازم تنظيم اكثر

الفكره هذي عملناها في احد المنتديات وكانت على ترتيب رائع اتمنى ان نسير عليه هنا

لان الموضوع جماعي والكل لازم يشارك علينا ان نتبع الاتي)على فكره مجرد راي ولكم الحريه....

مثلاً

حبيبتي ادمع وضعت رابط او عدة روابط واحدى الاخوات وبيتم التوزيع انا اقول كذا تمام بس فيه شي احلى

يعني اخترنا موضوع التدخين واتفقنا عليه حلو جدا ايش الخطوه الثانيه

نحدد وقت لهذا الموضوع نفتح صفحه وتثبت لمدة اسبوعين او شهر على اكثر الكثير وكل وحده تحط كل شي عندها عن الموضوع اتمنى مو رابط ,,اتمنى يكون تفريغ للرابط

كل وحده تنسخ ماعندها وتضعه في الصفحه المعنيه اذا الوقت الي راح يتم تحديده من قبلكم انتهى

نبدا بتلخيص المشاركات وترتيبها وحذف المتكرر ونرتبه الا ان يصير موضوع شامل بصور وملصقات وعظه وعبره

بعدها يتم توزيعه

اولاً على الاهل ثانياً على المنتدياااااااااااات اكيد كلكم مسجلين في غير اسحار

والي ماهي مسجله تشوف احد من الي تعرفهم مسجل بمنتدى اخر ويتم نشر الموضوع على قروبات ومنتديات

يتم كتابة جمله بفنكم ياغاليات ان هذا العمل(( خاص جمع وترتيبب الاخوات في منتديات اسحار الاسلاميه للفتيات))

وبكذا كمان تكون دعايه للمنتدى الحبيب,,’’

انا عني عندي ايميل ماستخدمه الاا لتسجيل في المنتديات الوقتيه الي مثلا ابغى اقرا منها شي واطلع

وماعندي مانع اسجل في منتتديات اخرى بس احط الموضوع اهم شي يتم توزيعه والفايده منه وبركز على

المنتديات العامه الي ماهي اسلاميه لان يكثر فيها من ابتلي بالتدخين

الفكره هذي نفذت وكان الموضوع نصيحه لملاك الشات وتم توزيعها على كل الروابط الاداريه لشاتات الشبابيه

جدا سهل وجدا رائع,,’’

بعد ماننتهي من هذا الموضوع نقوم بفتح الموضوع الي يتم ترشيحه ونفس الخطوات ونفس همة النشر والتوزيع

بكذا

نكون عملنا عمل جماعي فيه خير كثير تنافس على خير ودفع شر

تحديد الوقت بيعطي حماس وسرعة تنفيذ

نشره بهذا الاسلوب بيكون فيه خير كثير واعلان رائع للمنتدى وحث على التعاون,,’’

هذا الي حبيت اضيفه وبصراحه بترتيب مع حماسكم وافكاركم بيكون الوضع غيررررررررررررررر من جد بيكون الخير كثير

ادمع الفجر

لاحرمت اجر كل من سينتفع بهذا الموضوع ياغاليه,,’’

off said · 05-02-2005, 08:27 PM

ادمعي

اذا ناسبكم كلامي فديتني

سارعي ياغاليه بفتح صفحه وتفريغ ماعلى الروابط فيها علشان نبدا ونحط كل ماعندنا وحددي وقت علشان نكون مرتبين

انتظر ردكم

طبعا اذا مارديتوا عليه راح افجر المنتدى والامر راجع لكم؛)

أدمع الفجر · 05-02-2005, 10:34 PM

هلاااااااااااااااا وغلااااااااااااااااااا بالخبيييييييييبة اللي تسلم عيونها
أوف ساااااااااايد
تسلمييييييييين جداً جداً على أفكارك الرااااائعة
وخلاص أنا بإذن الله بفتح صفحة خاصة بهذا الموضوع
انتظروووووووووووني

عالية همه · 07-02-2005, 11:07 PM

بسم الله الرحمن الرحيم

والسلام عليكم ورحمة الله وبركاته

جزاكم الله خير اخواتي على هالموضوع الدعوي الحلو وعلى هالهمه العاليه عسى الله يجعلها خالصه لوجهه الكريم ولا يضيع تعبكم ويجعله في ميزان اعمالكم .....

انا طرحت بنفس هالقسم موضوع دعوي يحمل نفس الفكره بس ماكنت قاريه اختي ادمع موضوعج هذا واللي نبتهتني عليه الغاليه اوف سايد جزاها الله خير فقلت نجمع المووضعين في موضوع واحد وسنتغل الوقت والجهد والتفاعل ايضا لان كثير من العضوات ماتعطي الموضوعين حقهم ومايكمل الاثنين فنجتهد بواحد وندمج الفكره ونعين بعض وعسى الله يعينا يارب.....

بما اني جربت هالفكره في منتدى ولاقت نجاح ولله الحمد في البدايه لكن بسبب ضروف او تكاسل والعياذ باالله بعض العضوات ماتلقين االلي يعينج على الموضوع ويستمر في العطاء فتوقف الموضوع على عضوتين او احيانا وحده لكن لله الحمد اهم شيء النتائج اللي لله الحمد نجحت وقدرت اوصل للي ابيه بعد عون الله سبحانه وتعالى ونشرت موضيعنا في موقع دعوي له اعضائه ومرتاديه بكثره وقراء بأعداد تشرح الصدر كل يوم وعسى الله يجعلها خالصه لوجهه الكريم .......

قلت الكلام اللي قلته علشان ادفعكم للاستمرار والعطاء اكثر واكثر وعلشان تعلون همتكم ونتكاتف يد وحده لنحصد نتايج حلوه .......

فكرتي انا كانت نطرح موضوع لمدة اسبوع نستقبل مشاركات العضوات ويانا شرط تكون المشاركات من قلم ووحي العضوه نفسها من غير الاستعانه بمواضيع من النت الا اللهم استدلالات بأحاديث او آيات قرآنيه او عظات من سيرة رسولنا صلى الله عليه وسلم بعد مرور اسبوع وحصد اكبر قدر من مشاركات العضوات ابدي انا واعوذ بالله من كلمة انا بما اني كنت مستلمه الموضوع في المنتدى بتجميع جميع المشاركات ودمجها بموضوع واحد بشكل مختصر منظم ويحمل جميع الافكار اللي تتعلق بالموضوع نفسه اللي طرحناه وعقب تجميعه احطه بنفس الموضوع ونبدي ننشره على نطاق واسع بالنت وخارج النت ونفتح موضوع ثاني للاسبوع الثاني وهلم جرا ونختم الموضوع باسم (( دعاة الحور )) ........

الحلو في موضوعي انه يحمل افكار جديده على القارئ لانها مافيها شيء مقتبس وكلها من افكار المشارك في صياغته ودعوي بحت وعمل جماعي مشترك وباسم عدة دعاة ........

اذا حبيتوا تلقون نظره على عينه من المواضيع اللي سويناها تلقونها في موضوع لي في هالقسم (( دعوه للمشاركه في نيل رضا الرحمن )) .......

عطوني رايكم بالفكره واذا عجبتكم نوحد الموضوع ونبدأ صياغته على هالشكل بشكل منظم وميسر ........

عسى الله يعينا على طاعته وحسن عبادته ويرزقنا الاخلاص في العمل انه ولي ذلك والقادر عليه .......

اختكم في الله
عالية همه


العضوة المميزة	الموضوع المميز	المستشارة المميزة
ღ إبنة الرميصاء ღ مــــلاذ ღ	ღ هيــآ بِنــآ نــتــعــلــم... (( النيــــة )) ! لـ ابنة الرميصاء ღ	ღ ألمـآآسـة ღ


/ رسالة مهمة لمستخدمي الجوال / جوعانة أدخلي .. ترا السالفة فيها بيضة .!! ( المشاركة الأخيرة بواسطة : ألمـآآسـة ، عددالمشاركات : 1 ، عددالمشاهدات : 20 ) » ملابس اطفال بنات و اولاد جديدة ( المشاركة الأخيرة بواسطة : بنت عز الكل ، عددالمشاركات : 2 ، عددالمشاهدات : 8 ) » مرض السكر............... ( المشاركة الأخيرة بواسطة : سـيـدة الـورد ، عددالمشاركات : 1 ، عددالمشاهدات : 2 ) » حصرياوكاملا البوم فوق الخيال للمبدع موسى مصطفى ( المشاركة الأخيرة بواسطة : ألمـآآسـة ، عددالمشاركات : 1 ، عددالمشاهدات : 2 ) » إلى من أدرك رمضان "150 باباً من أبواب الخير" ( المشاركة الأخيرة بواسطة : سـيـدة الـورد ، عددالمشاركات : 3 ، عددالمشاهدات : 6 ) » خلطه لتطول وانبات الشعر ........... ( المشاركة الأخيرة بواسطة : بنت عز الكل ، عددالمشاركات : 3 ، عددالمشاهدات : 17 ) » أثمن ثلاث ساعات في رومضان ( المشاركة الأخيرة بواسطة : الداعيه لله ، عددالمشاركات : 0 ، عددالمشاهدات : 1 ) » ((( عندنا صـيـدة ! ... فإذا هي زوجته ))) قصة واقعية ( المشاركة الأخيرة بواسطة : ألمـآآسـة ، عددالمشاركات : 2 ، عددالمشاهدات : 8 ) » الدال على الخير كفاعله............... ( المشاركة الأخيرة بواسطة : نجوم الليل ، عددالمشاركات : 0 ، عددالمشاهدات : 1 ) » ■ ◊← ..تواقيع .. مثل الذي يذكر ربه والذي لايذكر ربه مثل الحي والميت→ ◊■ ( المشاركة الأخيرة بواسطة : نور وسط الظلام ، عددالمشاركات : 4 ، عددالمشاهدات : 11 ) »