مقالب الفتيات...مزاح ضاحكـ ..!! شاركينا الموضوع ...

الدمعة الحزينة · 16-10-2006, 03:14 AM

المقالب والمكائد مرحلة نمر بها جميعاً وكلنا حاولنا أو نفذنا مواقف مضحكة مع بعضنا البعض
إلا أن بعض هذه المواقف تكون أحياناً أكثر حرجاً وأكثر إثارة وتسبب الكثير من المشاكل
وتنعكس على صاحبها..

&"أكتبي ما تتذكرينه من مواقف مررت بها في فترة من فترات عمرك والتي لا تزال في خلدك حتى الآن ..
"&قرأت عن هذا الموضوع في مجله وحبيت أنكم تشاركون معي فيه إذا مافيه إحراج لكم ..
شاكره لكم حسن تجاوبكم معي في الموضوع ..

as7ar · 16-10-2006, 06:06 PM

و عليكم السلام و رحمة الله و بركاته

مرحبا الغالية دمعة

فكرة حلووووووة وايد .

الدمعة الحزينة · 17-10-2006, 03:48 AM

as7ar..
أسعدني مرورك لكن أتمنى في
المرة القادمة أن تشاركينا ..
ولكِ جزيل الشكر ..
دمتي بخير ..

قطرة مطر · 17-10-2006, 04:31 AM

وعليكم السلام ورحمة الله وبركاته

فكرة حلوة اختي الدمعة

وصراحة انا صارت لي مواقف ومقالب

بالنسبة للمواقف المحرجة موقف مستحيل انساه

صار لي أياك الدراسة بالكلية

كان أول يوم نداوم فيه بالكلية بعد اجازة نصف السنة

وكان وقت شتا وكان شكل العشب مغرررررررررررري

فقلنا نروح نجلس في مكان العشب الا وعلى طول تقوم أختك اللي هي أنا

وتختار كرسي وتجلس عليه والكرسي طبعا من النوع البلاستك وشكله من كثر ماطقته الشمس اهترى

والا واجلس عليه وينكسر

ووجهي يصير ألواااااااااااااااااان من الإحراج لانه قدام بنات الكلية كلهم

وبس عاد لقطت وجهي وقعدت وكأن شئ لم يكن وربعي فااااااااطسين ضحك

أما المقالب

فكان أكثر المقالب اللي نسويها

أنه نخفي شيك المكافأة حق الطالبة ونخليها تحوووووووووس عليه حووووس

أو ناخذ الجوالات ونخبيها وغيرها من المواقف صراحة ماتحضرني

:d

تسلمي دمووووعة

التائبه لله · 17-10-2006, 07:10 AM

وعليكم السلام ورحمه الله وبركاته

هلا اختي الغاليه موضوع اكثر من رائع ’’’’ أشكــــــــــــــــــــــــــــــرج عليه

اما عن موقف محرج صارلي ’’’’’’’’

كنت رايحه السوق وحدي تعبانه ,, رحت مع رفيجاتي المهم ودخلت محل وكان فيه حريم ما شاء الله وايد واختج اتبحلق اعيونها علي الدرعات تبي دراعه حلوه

ومن الزحمه والضكه اقول للبايع لو سمحت عطني هالدراعه مقاس

x5.........................
ههههههههههههههه بدل ما اقول له xL
قلت له اسم سياره >>>>>>>>x5

وما اشوف الا الي في المحل يتضاحكون عليه وانا في خاطري اقول شو هالبشر ليش يضحكون وارد واقوله عطني المقاس وراحت ربيعتي وخبرتني ومن القفطه طبعا ما شتريت الدراعه ولا وطوطت صوب المحل مره ثانيه

اما عن المقالب الي اسويهااا وايد وما تنعد بس كلها تنجلب علي يزعلون مني
كنت بالصالون مع رفيجتي والمكيف مال الصالون سنترال بس كان يقطر ماااء وانا امخليه اقلاص تحته ورفيجتي كانت تتحني قالتلي عطشانه ابي ماائ قلت افا عليج اتفضلي واعطيها الفلاص مال المكيف بس طبعا ما شربته لانها شافته امصوفر لونه وريحته فايحه

وطبعا زعلت مني مال اسبوع وعقب خلاص

ادري وايد اقرقع المهم اتمني انه انشوف مشاركاتكم,,
وقطره الله يعينج علي الوقف الحلو

مروه العبيدى · 17-10-2006, 01:27 PM

وعليكم السلام ورحمة الله وبركاته

قطوره تخيلت منظرك وانت على الارض

التائبه لله شوى شوى على لهجتكم مره صعبه مثلا ما عرفت دراعه -القفطه-وطوطت
بس مواقف حلوه فهمتها يسلموا

بقولكم موقف مضحك + محرج فى نفس الوقت ولا عمرى انساه

كنا رايحين انا وصديقاتى الاثنين ومعنا اخ صديقتى الى السوق كارفور
وانتوا تعرفون يا كثر الكلاب فى فرنسا وحبهم لتربيتها
وكانت واحده من صديقاتى تخاف من الكلاب موت ومالهم اسبوعين جايين على باريس يعنى ما تعاملت مع كلاب قبل كذى
المهم رايحين وننتظر فى الباص وكان فى اضراب وكان الشوارع شبه خاليه
الا ويجى كلب صغير جدا يعنى يمكن 20×40 مقاسه هههه وحس انها خايفه منه ويبدا يركض وراها

وهى تصارخ وحنا نضحك عليها
ولما شافنا نضحك عليه رجع يركض وراانا وهربنا بس ما فى مكان نهرب له انا لقيت مثل السور عالى وفيها عمدان حديد
ما ادرى كيف مثل القطو تسلقت الجدار ومسكت فى العمدان من الخوف<< قريت بعدها ان الخوف يولد هرمون يخليك تسوى اللى ما تتخيليه
والله لا يوريكم لقيت ركبى تجلخت وجسمى يرتعش من الخوف
واصحابى يدوورن على انا جالسه فوق متكيفه فوق والله المستعان كان ضحك مع خوف ومره احراج
بس ما انسى هالموقف ابدا ولا شكل الكلب اللى لو تضربيه برجلك يصير فى اخر العالم مادرى ليش خفنا منه

والله يسلمكم

الدمعة الحزينة · 18-10-2006, 12:51 AM

السلام عليكم خواتي ..
والله فرحتوني بالمشاركات الحلوه ..
(قطرة مطر)
موقفك فضيع ولو أنا مكانك بكيت من الفشيله ..
(التائبة لله)
معك حق ماتدخلينه ثانيه لأنه يذكر بشي موحلو ..
(مروه العبيدي)
يالله عاد كل شي ولا الكلب حده شكله يخوف كيف
أجل إذا لحقني أحس وقتها اتمنى أن الارض تنشق وتبلعني ..
ومشكورين عالمشاركات الحلوه ..

التائبه لله · 19-10-2006, 07:00 AM

ان شاااااء الله اختي

لك الترجمه الفوريه من دار خليفه

دراعه.....الثوب ولا الجلابيه ولا شو اتسكومنها ياربي يعني المخور الكندوره ههههههههه

القفطه>>>>نوع من انواع انكمااش الوجهه من المستحي والموقف الي صاار

وطوطت>>>>يعني ما اروح المكااان ذاك ابد حتي ما امر صوبه

اسمحيلي الغاليه


العضوة المميزة	الموضوع المميز	المستشارة المميزة
ღ سـيـدة الـورد ღ ‏ام بلال وخناس ღ// شموخ أنثى //ღ	ღ ][®][^][®][ مـجـلـة الـشـوامـ خ الـ م ــتـنـوعـة ][®][^][®][ لـ سـيـدة الـورد ღ	ღ بنت الريف ღ

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري


قصر في السعودية سقفه مطلي بـ 60 كيلو من الذهب. ( المشاركة الأخيرة بواسطة : شـ شموخي ـوفوا! ، عددالمشاركات : 5 ، عددالمشاهدات : 29 ) » (¯`·._.·[ كـــوب شـــــاي - من ابتـــــــــــــ عذبهـ ,,,ـــــــامهـ]·._.·¯) ( المشاركة الأخيرة بواسطة : شـ شموخي ـوفوا! ، عددالمشاركات : 7 ، عددالمشاهدات : 25 ) » الحاسه التي لا تنام ؟؟؟؟؟؟؟؟؟؟؟؟؟؟؟ ( المشاركة الأخيرة بواسطة : نجوم الليل ، عددالمشاركات : 12 ، عددالمشاهدات : 46 ) » فواحات بشكل غرييييييييييييييييييييب ( المشاركة الأخيرة بواسطة : انا مسلمة ، عددالمشاركات : 11 ، عددالمشاهدات : 42 ) » ولنآ مع آلروعة ْ~ْ ميعـــآد ْ~ْ ..ألبوم \|[ خفقة ]\| بروآبط مبآشرة ( المشاركة الأخيرة بواسطة : ๑همتي دعوتي๑ ، عددالمشاركات : 1 ، عددالمشاهدات : 6 ) » لا تكن نسخه ... كن كما انت ..!! ( المشاركة الأخيرة بواسطة : شـ شموخي ـوفوا! ، عددالمشاركات : 3 ، عددالمشاهدات : 20 ) » قلبي ولقياااااه!! ( المشاركة الأخيرة بواسطة : لقاء القلب ، عددالمشاركات : 47 ، عددالمشاهدات : 986 ) » أضحك ودمعي حايرٍ وسط عيني )) ( المشاركة الأخيرة بواسطة : شـ شموخي ـوفوا! ، عددالمشاركات : 3 ، عددالمشاهدات : 15 ) » ممكن ترحيب يا اخواتي العزيزات.... ( المشاركة الأخيرة بواسطة : نجوم الليل ، عددالمشاركات : 5 ، عددالمشاهدات : 17 ) » مميز : علمتني أمي ,, علمني أبي ((أرجوا من الجميع المشاركة))** ( المشاركة الأخيرة بواسطة : شـ شموخي ـوفوا! ، عددالمشاركات : 45 ، عددالمشاهدات : 384 ) »

الذين يشاهدون محتوى الموضوع الآن : 1 ( الأعضاء 0 والزوار 1)