بدء قيادة المرأة السعودية للسيارة

رينتاج · 01-09-2007, 01:16 PM

السلام عليكم ورحمة الله
مساء \ صباح
الخييير

بدأ قيادة المرأة السعودية إعتبارا من 6/9/1428ه

أعلنت وكاله الانباء السعوديه واس‏

نقل عن مصادر مطلعه في الديوان الملكي السعودي الخبر‏ التالي‏:

اصدر مجلس الوزراء ظهر يوم الاثنين المنصرم المرسوم الملكي‏ التالي‏:

بناء على‏ الماده 23‏ من نظام الحكم‏ الاساسي‏

والصادر بتااريخ 2/9/1412‏ ه‏

في‏ فقراته 5 , 6 , 8‏ , من نفس‏ النظام‏ ..

وبناء على‏ المادة الرابعة‏ من اصول‏ المعاملات‏ المرفوعه‏ .

وبعد الاطلاع على مارفعه لنا وزير المواصلات والطرق‏

بمرسومه السابق بتاريخ 17 / 4 / 1428 ه‏

والذي يؤكد فيه بأنه قد حان الوقت للسماح للمرأة بقيادة السيارة‏ لماتقتضيه‏ المصلحة العامة‏

وبعد التشاور مع من يهمه الامر من الوزراء‏

وتداول القضية بمجلس الشورى ورفعهم لنا تقريرهم المفصل بتاريخ‏ 4/ 5 /1428 ه

قرر مجلس الوزراء في جلسته المنعقدة‏ القرار التالي‏:

رقم‏ المرسوم الملكي 235

والذي يقضي بالسماح للمرأة السعودية بقيادة السيارة‏

بحرية مطلقة مع مراعات تطبيق انظمة المرور المتبعة والمعمول‏ بها‏..

يجري تنفيذ القرار ابتداء من 6 / 9 / 1428‏ ه‏

وترسل نسخة من القرار لمن يهمه الامر‏ لتنفيذه..

ودمتم بحفظ البارئ
رينتاج

غلاالعين · 01-09-2007, 01:38 PM

مساء النور والسرور
تسلمين حفيدتي الغالية رينتاج

على الخبر الحلو تصريح رخصة السواقة
وناااسة اللحين نقدر نزوركم ونحن نقود السيارة بأمان بس يبالنا محرم وعلى طول عندكم
الله يسامحها ربيعتي المتينه أم غلا قلتلها بسير وياج السعودية

ما طاعت>>>شو يخصه بالموضوع

المفروض هالقرار كان يتنفذ من سنين لأن هالأيام كل شخص في البيت يحتاج لسيارة.
السواقة مايبلاها شيئ غير التركيز و دوسي البترول ولفي السكان

الله يعينكم على الزحمه ^_^
مبااااااارك عليكم حفيداتي السعوديات الليسن مقدماً
الله يحفظكم
/
\
يدوه غلا
^_^

رينتاج · 01-09-2007, 01:47 PM

ايششششششش الله لايقوله بس ...
والله لتصير المملكة ثورة الشباني ....
حنا مومثلكم حنا الشباب عندنا ماراح يخلو وحده بحالها
وفوق كذا السعوديه اكثر دوله تكثر بها الحواديث هيا تخيلي مع الحريم
اناشاء الله يكون بس اشاعهــ ولا يهونوون
بس السواقه بتكون من الساعه 7 الصبح الى 8 الليل
هي صح فيها جوانب حلوه لكن سيائتها اكثر من جوانبها الحسنه
بس تصدقين اذا فتحوووا السواقه من جد
يمكن افك لي ورشه للبنات فقط خخخخخخخخخ

مشكوره على الرد
والله يعطيك العافيه يالغلا

ودمتي بحفظ البارئ
رينتاج

غلاالعين · 01-09-2007, 02:00 PM

هههههههههههههههههههههههه
غاليتي رينتاج

بعض السعوديين سواقتهم تخوف مال طاش ماطاش
ما يلتزمون بقوانين المرور
الله يعينكم على السرعة واللا مبالاة
ترى هذا بس في البداية وعقب بيتعودون عليكم ^_^
ياويلها اللي بتجاوز
ههههههههههههههههههههه

رينتاج · 01-09-2007, 02:06 PM

هههههههه حلوه طاش ماطاش
والله من عوايلنا يتحدون على اللي اكثر واحد يقطع الاشاره ومايمسكه المرور
شوفي الطيش بسسسسس
الله يعين عليهم ..عز الله الصجه من جد
بس اذا جد بيسقون الحريم اعرف نفسي ماراح اسوق
لن بكل بساطه ابوي يحش ارجولي حش خخخخخخ

Immuno Chan · 01-09-2007, 02:08 PM

والله !!

الخبر أكيد او شلووون

خبر مثل هذا أحسه المفروض ينتشر بلحظتها
هههههههه

وناااسة
دروا اني استلمت رخصة السياقة ههههه << كلن بعقله راضي

بس مدري
المرأة في السعودية تسووق
ما أدري .. هو صحيح شي مو شين

بسسسس
أخاف بداية تغيير السعودية .. اكثر دولة معروفة بتمسكها بالدين

خخخخخخخ
ومثل ما قلتي
الله يحفظها معروفة بالمتهورين سياقة ً

الله يكتب اللي فيه الخير

بس أحسه إشاعة

ومشكووورة عالخبر خيتووو

*زهرة الليل* · 01-09-2007, 02:13 PM

الله لايقوله

إن شاء الله اشاعه ومايكون الخبر صحيح..

رينتاج · 01-09-2007, 02:15 PM

اقتباس:

المشاركة الأصلية كتبت بواسطة Immuno Chan

والله !!

الخبر أكيد او شلووون

خبر مثل هذا أحسه المفروض ينتشر بلحظتها
هههههههه

وناااسة
دروا اني استلمت رخصة السياقة ههههه << كلن بعقله راضي

بس مدري
المرأة في السعودية تسووق
ما أدري .. هو صحيح شي مو شين

بسسسس
أخاف بداية تغيير السعودية .. اكثر دولة معروفة بتمسكها بالدين

خخخخخخخ
ومثل ما قلتي
الله يحفظها معروفة بالمتهورين سياقة ً

الله يكتب اللي فيه الخير

بس أحسه إشاعة

ومشكووورة عالخبر خيتووو

اناشاء الله اشاعه
بصراحه انا رافضه الفكره تماما
الله لايجيب ذاك اليوم اللي يسوق فيه الحريم ...
حنا غير عن الدول الاخرى
بس اللي راح ينبسطون الارمال واللي مالهم احد ممكن يستفيدون
لكن ماظن بيركبون السياره خير شر مايركبها الا ناس فاضيه
على العموم
تسلمين حبيبتي على المرور
نورتي

ودمتي بحفظ البارئ
رينتاج

رينتاج · 01-09-2007, 02:17 PM

اقتباس:

المشاركة الأصلية كتبت بواسطة *زهرة الليل*

الله لايقوله

إن شاء الله اشاعه ومايكون الخبر صحيح..

ايه والله
ناقصه السعوديه بعد خخخخخ
اناشاء الله
يعطيك العافيه زهوره
عطرتي صفحتي بتواجدك

ودمتي بحفظ البارئ
رينتاج

غلاالعين · 01-09-2007, 02:19 PM

ههههههههههههههههه
نحن ما نقدر نسوي مثلكم

الشوارع عندنا مراقبة بالكاميرات هذا من غير الرادارات المنتشرة والمنثرة في كل مكان
واللي بيجاوز الإشارة الحمرا له غرامة مالية وحجز سيارته ويحطون صورة سيارة اليوم الثاني فـ الجريدة ^_^
ولك القرار
^_^

وهج المشاعر · 01-09-2007, 03:12 PM

الله يعينكم..
ما أردي ليش ما حاسة أن وراء هذا القرار مصائب..

جزاكِ الله كل خير غاليتي رينتاج..

يدوة غلا..

نسيتي تقولين يحطون رقم السيارة في أخبار الإمارات يعني في التلفزيون..


العضوة المميزة	الموضوع المميز	المستشارة المميزة
ღ زهرة البستان ღ شـ شموخي ـوفوا! ღ عزوف ღ	ღ .. سلسلة المعجزات النبوية في الطب الحديـــث ‏ ღ لـ شـ شموخي ـوفوا!	ღ بنت الريف ღ


راجية الغفران حلت ضيفة عندكم ( المشاركة الأخيرة بواسطة : عزوف ، عددالمشاركات : 10 ، عددالمشاهدات : 45 ) » حديث الشيخ...قصة مشوقة ورائعة ( المشاركة الأخيرة بواسطة : فداء الاقصى ، عددالمشاركات : 1 ، عددالمشاهدات : 7 ) » عضووووه نيوو ( المشاركة الأخيرة بواسطة : عزوف ، عددالمشاركات : 7 ، عددالمشاهدات : 37 ) » عضوة جديدة ( المشاركة الأخيرة بواسطة : عزوف ، عددالمشاركات : 8 ، عددالمشاهدات : 44 ) » أرغب في ترحيب جميل ( المشاركة الأخيرة بواسطة : عزوف ، عددالمشاركات : 8 ، عددالمشاهدات : 40 ) » ياهلا ياهلا .. نوري طفى نور الكهربــاء ^_^ .. ( المشاركة الأخيرة بواسطة : عزوف ، عددالمشاركات : 7 ، عددالمشاهدات : 34 ) » بنت الناس ,, يا هلا ومرحبتين ,, ( المشاركة الأخيرة بواسطة : عزوف ، عددالمشاركات : 10 ، عددالمشاهدات : 50 ) » صَرْخةٌ ..في مطعم الجامعة !!.. احدى روائع الشيخ محمد العريفي ( المشاركة الأخيرة بواسطة : ام بلال وخناس ، عددالمشاركات : 0 ، عددالمشاهدات : 3 ) » ^_^ ( المشاركة الأخيرة بواسطة : عزوف ، عددالمشاركات : 17 ، عددالمشاهدات : 63 ) » إبنة الرميصاء أرجوا الترحيب بي !! ( المشاركة الأخيرة بواسطة : عزوف ، عددالمشاركات : 4 ، عددالمشاهدات : 30 ) »