فرررررررررررفش مع الأطفاااااال

هـاجـر.. · 11-10-2007, 03:37 AM

السلام عليكم ورحمة الله وبركاته

جميله هي الحياه .. والأجمل أن تكون مع الأطفال ..

وبالتأكيد أن الكل كان طفلاً وربما أصبح لديه طفلاً ..

وبالتأكيد أن الكل مر بمواقف حينما كان طفل أو مع طفله وبراءته وعفويته وحلاوته ..

هنا دون مذكراتك ..

هنا دون موقف لك ( محرج .. طريف .. محير .. غريب )

ونستمتع ببراءة الأطفال ..

هـاجـر.. · 11-10-2007, 03:43 AM

عن أمي عن جدي ...

أنني دخلت على جدي وأنا صغيرة وهو يشرب عصير كوكتيل مدلعته جدتي

وكنت أنظر إليه وهو يتلذذ بطعمه ولم ينتبه لي ولم يفهم أحد ما تريده نظراتي فقلت بكل براءة بابا ....... حلو طعم العصير

فضحك جدي ضحكه كبيرة وقال احضروا لهاجر كأس العصير لتذوق طعمه

شــهــد · 11-10-2007, 05:22 AM

"

وعليكم السلام ورحمة الله وبركاته

حي هلا بالغاليه هاجر

تقبل الله منا ومنك وعيدك مبارك

ذكرني موقفك بموقف حصل في يوم عيد : )

أخذت بنت عمي الصغيره ورحنا نسلم على جدي فسلمت عليه أنا أول ثمن هو جلس ليلاعب هذه الصغيره فلفت نظرها لون لحية المخلوط لونها ببياض الشيب فمسكتها ثم سألته : انت شارب لبن

ضحك جدي عليها وعلى براءتها .

ولي موقف ثاني مع أحد الأطفال لكن بقوله ان شاء الله بعدين لأن النوم ذبااااح.

سامحيني نقلت موضوعك للقسم المناسب

هـاجـر.. · 11-10-2007, 04:16 PM

ههههههههههههههههههههه

يا حبي لك يا عسل ..

بس شارب لبن ضحكتني مرة مرة ..

الله يسعدك ويسعدها ..

وننتظرك يا عسووولتي بعد ما تصحصحين

وهل تسمحي لي بنقلها

๑همتي دعوتي๑ · 11-10-2007, 07:47 PM

السلام عليكم ورحمة الله وبركاته

حبيتي تذكرت موقف

بنت اخوي عايشة عندنا في البيت فمتعودة تقول لابوي بابا ولامي ماما وابوها بعد بابا

الموهيم

ابوي ذاك اليوم قاعد يشتغل واهي واقفه بالشووكة فوق راسه وقاعدة تقول وكأنها تقلد فيلم كرتون (ابغى اذبح هذا الرجل )<<< تقصد ابوي

قلت لها ياخبلة هذا ابوك

قامت ضحكت بمكر وقالت هذا ابـــــــــــــــــــوكم

تحيط

هـاجـر.. · 11-10-2007, 07:59 PM

هههههههههههههههههههههه

يا حبي لك ولها ..

خطيره هذا ابوكم .. كثير تصير مع الأطفال وأنا بعد أذكر قاعده اسولف على اختي يعني وانا كبيرة وجبت طاااري ابوي قالت هي مين ما سمعت بالضبط من هو قلت ابوك

هي ضحكت وقالت وما يصير أبوك بعد ..

هـاجـر.. · 19-10-2007, 04:24 PM

مواقف من الأخت الحبيبه ( أجنـاديـن )

الأول : عن زاتي آآآي

كنت صغيرة ما اذكره طبعاً لكن ما بقى أحد ممن عاصروه إلا وقد ذكروني فيه يظنون أنه بادرة انحراف مبكرة كنا في بيت خالي وعمري تقريباً سنة ونص وإن كثرت سنتين ، والظاهر اني ملقوفة من طلعت من بطن امي ، المهم وتقول امي إني رحت فوق لغرفة زوجة خالي والقى قارورة عطر تفتح بدون رش . الظاهر اني حسبتها عصير والله وأشربها ، وتقول امي نزلتي تصقعين الجدران سكرانة . يعني سكرت وانا في ريعان الصبا الله يهديني .

والثاني : ولد بنت عمتي ..
المهم أمه مدرسة والولد يطفش في البيت جابت له عصافير الزينة ، ويوم راحت امه للمدرسة والشغالة نائمة هي وجدته ، وقام أخذ العصافير وغسلهم يقول : " يتروشون " ويبي ينشفهم من المويه حطهم بالفريزر . عاد يوم رجعت أمه فتحت الفريزر في الليل الا العصافير متجمدة قاضية من أمس .

والثالث : ولد بنت عمتي الثانية ..
المهم كان يسأل أمه يقول : اذا الصغار ماتوا وين يروحون
تقول : يصير عصفور بالجنة
استانس وصار يدعي انه يموت
شوي سكت يفكر
قال لأمه : خلاص ما عاد ابي أموت !
قالت أمه : ليه ؟
قال : بعدين يصيدوني عيال جيرانا بالنبيطة بالجنة

فداء الاقصى · 19-10-2007, 06:53 PM

شكرا جزيلا لهذه المواقف المضحكة جميلة هي براءة الأطفال أدامها الله

من المواقف التي لا تنسى ان كنت اعمل في ناد صيفي للمرحلة التمهيديه فأيتي الأطفال مبكرا و اقضي معهم جل وقتي

و ما اكثر حديثهم و مواقفهم

من أجمل المواقف

خرج الاطفال للفسحة ماعدا احدهم جالس على الدرج مو راضي ينزل رحت سألته ؟؟

عبد الرحمن ليه ما نزلت تشتري لك ؟؟

فرد بصعوبه : أنــــــــــــــــــــــا حامل .؟؟؟؟؟؟؟؟؟؟؟؟؟؟؟!!!!!!!!!!!

انفجرت من الضحك

و طلبت من احد الاطفال الشراء لطفلي الحامل

بعد ذلك علمت ان امه حامل و كان يقلدها و الله اعلم .

الموقف ال2.

عندي طفل يخشى دخول دورة المياه _ اكرمكم الله .

فكانت احد الخالات تذهب به يوميا

في احد الايام غابت تلك الخاله

ومر جل الوقت بسلام حتى يعلن الأخ الفاضل انه بحاجه لدورة المياه

لأنصعق و لله الحمد كانت اخته موجوده و لكنها صغيره

ذهبت معه لدورة المياه لكن الطفل تأخر ذهبت لأطئن لاشاهد الطفل غارقا في بكاءه و الفتاه الصغيره تبكي

فما كان مني إلا أن بكيت معهم ..

و أتت المديره لتذهل بما يحدث ......................الحمد الله عدت على خير .

شكرا للموضوع .

شــهــد · 21-10-2007, 02:44 AM

"

اقتباس:

وهل تسمحي لي بنقلها

حلالك ياقلبي وسامحيني على التأخير

والله ضحكوني المواقع المذكوره

اجل طفله سكرانه ههههههههههه الله يستر عليها يارب

ولا الولد الحامل ياحبهم للتقليد يافداء ^__^

موقفي الثاني

كنت جالسه في صالة وقدامي جالسه جدتي وأمي ووحده من خالاتي

وأنا ورى مع ولد خالتي عمره خـ5ــس سنوات

كان الكلام عن أم فلان وأم علان فهو سألني ليه تقولون لأمك ( أم فلان ) يقصد أمي

قلت له لأني أخوي الكبير اسمه ( فلان ) فتكنى بأسم اكبر أولادها

وأمك يقولون لها ( أم محمد) لأن اكبر اخوانك اسمه محمد

هنا الولد عصب وطرطع علي وهددني يعلم ابوه !!!

ليه كل هذا ؟؟ ليه أقول ان أمه أم محمد ؟؟

حاولت أخليه يهدأ وأفهمه وأفهم منه سبب كل هالغضب

رد علي وقال أم محمد هي م محمد في دمعة عمر !!!!

حاولت اركز في كلامه فهمت ان الولد متأثر من مسلسل بطلته يقولون لها ام محمد رماها ولدها عند مستشفى وتركها وعذبها وسرق فلوسهم وحالت امه حاله وتعور القلب

فشكله تأثر ومايبي امه تصير مثل هالحرمه

جات اخته وقعدت تتكلم معي وانا ابيها توخر لأني ماعدت اشوف اخوها ومادريت إلا بالعصا جات على فخذي

آآآآآي

طبعاً هو رمى العصا وحط رجله عند الباب

جدتي هاوشته ليه يضربني قال تستاهل وبعلم ابوي

كل هذا لأني قلت ان أمه ( أم محمد ) ههههههه

هذا الود ظريف

دخل المدرسه وهو من طبعه هاااادي ومايتحرك ولا يرفع اصبعه لكن اذا سئله الاستاذ يجاوب

فالاستاذ يكتب في دفتر المتابعه ان الولد هادي ومايشارك في الانشطه

أخذه ابوه وأمه وقالوا له ياحبيب شارك وتكلم وارفع اصبعك لاتسكت

في آخر الفصل جاب الشهاده وفيها ملاحظه

الولد مايجلس على كرسيه وكثير الحركه والكلام هههههههههههههه

مودتي


العضوة المميزة	الموضوع المميز	المستشارة المميزة
ღ زهرة البستان ღ شـ شموخي ـوفوا! ღ عزوف ღ	ღ .. سلسلة المعجزات النبوية في الطب الحديـــث ‏ ღ لـ شـ شموخي ـوفوا!	ღ بنت الريف ღ


راجية الغفران حلت ضيفة عندكم ( المشاركة الأخيرة بواسطة : عزوف ، عددالمشاركات : 10 ، عددالمشاهدات : 45 ) » حديث الشيخ...قصة مشوقة ورائعة ( المشاركة الأخيرة بواسطة : فداء الاقصى ، عددالمشاركات : 1 ، عددالمشاهدات : 7 ) » عضووووه نيوو ( المشاركة الأخيرة بواسطة : عزوف ، عددالمشاركات : 7 ، عددالمشاهدات : 37 ) » عضوة جديدة ( المشاركة الأخيرة بواسطة : عزوف ، عددالمشاركات : 8 ، عددالمشاهدات : 44 ) » أرغب في ترحيب جميل ( المشاركة الأخيرة بواسطة : عزوف ، عددالمشاركات : 8 ، عددالمشاهدات : 40 ) » ياهلا ياهلا .. نوري طفى نور الكهربــاء ^_^ .. ( المشاركة الأخيرة بواسطة : عزوف ، عددالمشاركات : 7 ، عددالمشاهدات : 34 ) » بنت الناس ,, يا هلا ومرحبتين ,, ( المشاركة الأخيرة بواسطة : عزوف ، عددالمشاركات : 10 ، عددالمشاهدات : 50 ) » صَرْخةٌ ..في مطعم الجامعة !!.. احدى روائع الشيخ محمد العريفي ( المشاركة الأخيرة بواسطة : ام بلال وخناس ، عددالمشاركات : 0 ، عددالمشاهدات : 3 ) » ^_^ ( المشاركة الأخيرة بواسطة : عزوف ، عددالمشاركات : 17 ، عددالمشاهدات : 63 ) » إبنة الرميصاء أرجوا الترحيب بي !! ( المشاركة الأخيرة بواسطة : عزوف ، عددالمشاركات : 4 ، عددالمشاهدات : 30 ) »