لحن الحياة تعود لكم من جديد (اقلطوا ياالربع) حياكم الرحمن

لحــ الحياة ــن · 20-10-2007, 07:38 AM

صبحكــــــــــ ومساكم ـــــــــــــم الله بالخير ياوجوه الخير

محدثتكم لحووونه ومن امام شاشتي وبالتحديد من حي منتدى الشوامخ.. حارة الاستراحة

طريق الخط السريع ..

انني الآن ارتجل عشان اكتب سطرين واملئ الموضوع ..والله مدري وش اقول ..احس نفسي

قمت اخوووور ..لكن مافي مشكل رفيق مادام ماشين في السليم ..

8

8

8

ياالحبيبه وش قاعدهـ تضغطين الله يصلحنا وياك هذا ماهوب ارتباط هذا فاصل ..عادي تحصل في احسن العائلات..
::

::

::

احب اقولكم انكم وحشتووووني ..واكيد اشتقتوا لي موووت والمنتدى من غيري ظلام <-- ابوك يا الثقه

::

::

::

----------

::

::

::

آخر اخباري وجديد سواليفي ..بقولها لكم ان شاء الله بس صبوا لي قهوه لاهنتم ..واذا في حلى ما اكره

(يعني اذا في حلى هاتوه ماراح اقول لا ..هذا معنى كلمة ما اكره بلهجتي..)<-- الاخت من فين

::

::

***(آخباري وعلومي في رمضان)***

-----------------
--------

جاء رمضان واستقبلنا الشهر الفضيل ..وفيه اكتشفت شي جديد وموهبه كنت احس اني من جنبها..

تصدقوون طلعت اعرف اطبخ والله بجد الحاجه ام الاختراع ..لاننا دورنا شغاله الين دخنا ومالقينا

وكنا متمسكين بالامل الي يوم 20 من رمضان .. وكل ما اكون فاضيه اسويلهم الفطور

واحلى شي وانا اسمع الدعاوي من الوالده الله يحفظها ..اخيراً تحقق حلمها وطبخت ..

ونشرت الخبر عند العائله الكريمه وما اسمع الا التلفون والجوال ..

الي تباركلي (الي يسمعهم يقول اخترعت الذره ) والي تطلب مني المقادير سمعتي كانت ميح

وعرفت ليش انبسطوا لاني كنت الوحيده الفاشله بينهم..وكنت مضرب للامثال في فشلي في الطبخ

وفي هذا الشهر الفضيل اخترعت حلى بنزله لكم بعدين

ان شاء الله مدعوم بالصور <-- حلووه مدعوم ذي مو مدعوس هههههه

المهم :

الحمدلله ومن اهم الانجازات اني مو مثل العام 24 ساعه قدام التلفزيون ..وان شاء الله رمضان القادم

اذا ربي احياني ..اخفف اكثر اونشيله من البيت ..بس كل شي بتدريج افضل..

***(حكايتي مع الـــ( new look )ليلة العيد)***

----------------
--------
تبداء الحكايه من اني كنت ابغى اطلع بـ new look يوم العيد ..وطلع بجد نيو لوك بس بشكل ثاني ..

..رحت للكوفيره وقلت :ابغى خصل عودي ..المهم سحبت اللون وصبغت لي ..وطلع احمر

مايل للعودي ..ورضيت وقلت في نفسي :يمشي الحال .. رحت للبيت ومن اول غسله ..خرجت وانفجعت

وصعقت اللون العودي قلب لـــ (اورنج ) ..مثل الجدات الكبيرات في السن لما يحطون ع شعرهم

الابيض حناء ..ورحت لها هذا طبعاً والفجر طلع وصلوا صلاة العيد

وقامت حطتلي بني كاكاوي ..وكنت في بيت اخوي وجيت معاه هو وزوجته وعياله ودخلت البيت وغسلت

شعري ..طلع لي لوون شي هههههه والله حاله طلع نحاسي ع اورنج غامق..

ولان زوجة اخوي تعرف في هذي الشغلات قالت اصبغي اسود مزرق وصبغتلي

بس قالت لاتخلينه في شعرك كثير عشان لايسير اسود مثل الفحم ..والحمدلله

انضبط الامر .. واجتمعوا اخواني وحريمهم وعيالهم وخالتي ..وانا يادوب بديت اعيد والناس رايحين

بس اهم شي اني لحقت اعيد معاهم ..طبعاً شافوا اللون الاورنج الغامق مدري النحاسي وجلسوا يضحكوا علي ..

بس بجد اول عيد يمر علي بشكل هذا ..الله يستر علينا بس والله مافي احلى من خلقت ربنا ..كنت بحرق شعري عشان الــ new look

وبس هذي اخر علومي واخباري..

الحين دوركم انتم ..يعني اذا في مواقف صارت معاكم سوا في رمضان او العيد لاتبخلوا علينا..

بعدين ملاحظه ان الردود جداً رسميه في المواضيع ليش ..؟؟

يلا في انتظاركم..

(سبحانك اللهم وبحمدك اشهد ان لا اله الا انت استغفرك واتوب اليك)

بنت الريف · 20-10-2007, 09:18 AM

.
.

اول شي وعليكم السلام والرحمة >>> اصبري نرد السلام بعدين نقرق معاكِ .. خخخخ

حي الله لحووونة مبدعتنا الفوتوشوبيه خخخخخخخ

وحياك بحارة الاستراحه ..

ههههه

..

اذا على القهوة والحلى مو عندي شوفيه بآآخر البيت >> حتى اصعب عليك المهمة

لاني وبكل فخر عجااازة خخخخخخ

ههههههههههههههههههههههههههههههههههههههههههههههههههههه

واااااااااااااو ذكرتيني بمعاناتي بسنة من السنين اللي راحت مدري اي سنة >> الي يسمعها يقول هذي عجوز ..

اللي هي الخدامة .. كان كله كرف x كرف ,, بس حتى تحسي بطعم لما تعملي شي مفيد صح ؟

مو اشياء ماتفيد لا دنيا ولا آخرة ..

...

هههههههههه اما سالفة النيوو لووك >>مالي مزاج اكتب عربي<< هههههههههههههههههه نككككككككتة وتووحفة

هههههههههههه لا عادت على هالنيووو لوك اللي حاااااس ابو الشعر ههههههههههه

بالنسبة لي العيد هالمرة مر مرور الكرام >> قهر صح

على اني طلعت وكذا بس مافيه اي تغيير

حسيته ملل

نعوض ان شاءالله الاعياد الجايه

^

كثرت عليك حكي

حياك مرة ثانيــهـ ..

نوورتييييييييييييييينا لحووونة ..

.
.

بنوتة ..

๑همتي دعوتي๑ · 20-10-2007, 02:48 PM

باقة ورد موف مع فقاقيع لاحلى عودة للحن

وينك ......وين الناس

بس من جد سواليفك /// خــــــــــــرافة //

هاتوا يابنات الشاهي نبي نرد على ذا اللحن

ولا تنسو شي ناكلة الهرج مع لحن يبيلة تكيييف

شوفي رمضان بالنسبة لموضوع اننا منعرف نطبخ فعلا الحاجة أم الأختراع

محدثتك همومة كانت يدينها مخروقة لو أموت ماعرفت أعجن عجينة ومن أول الشهر وأنا أعجن وأخبز واتحطم أكلي ينطش

قبل يومين من نهاية رمضان جاءتني أزمة قلت ياهمومة وش الحل

مافي غير أنك تفرين المنتديات لين تلاقين عجينة صاحية

وجربتها وطلعت خرافة

وراح أجيبها لكم أنشالله

ولازم تجربونها لانها نقلتني من مرحلة الرفالة إلى السناعة

((تعقيب )) الرفالة مأخوذة من قولهم ((طبخ طبختيه يالرفلة كليه))
تعقيب أخر كلية يعني eat it

أما النيو لك ماشلت همه

لاني متميزة دووووووم(ن)

عاد اللي شافوني يصدقون

عاد يابنات هاتو شي نحلي به

<<<< من يوم جات وأهي تاكل

بنات اقولكم شي

ماتلاحضون لحن تغيب ولين جات قامت تهذري <<< قليلة أدب بعد ماشبعناك برا من غير مطرود

يالله سلام ياحلوات

والحمد لله على سلامة كشتك يالحن

هموم

أحـ أحساس ـلى · 20-10-2007, 08:49 PM

هلا وغلا ومرحبا

بلحونه

أشتقنالك كل مادخلت ما أشوف أسمك وأقول وين راحت البنت

على البركه دخولك المطبخ

المشكله مو في أنك تعرفي تطبخين ولا لا المشكله في العجز أعوذ بالله

كل يوم أقول بكره أسوي كذا واللي بعده كذا وراح شهر رمضان ما سويت شي

بس أحب أجرب الأطباق الجديده أسويها مره مرتين بعدين أمل منها

بالنسبه ل new look
سلامة شعرك بس لا تجربين مره ثانيه إلا إذا كان مافي مناسبات
عن نفسي ماأحب الصبغات خليه مثل ماهو أحسن عشان ما يستهبل علي مثلك ويطلعلي ألوان عجيبه

جبت الحلا حياكم

وين القهوه تستاهل لحونه

محبة الصالحين · 21-10-2007, 02:08 AM

"

و عليكم السلام ورحمة الله وبركاته

ياااااهلا والف غلا بأحلى لحن

وحشتينا ياقمر .. ووحشتنا سواليفك الخنفشاريه :p

/

اقول الف سلامة ع شعرك بس ..!!

حرام عليك اش ذا كله .. يبيله الحين جلسات تعويييييييييييييض ..

أنا صراحة انسانه ماخذه عقدة من الصبغات الا اذا كانت صبغه بيت >> اأيد _^

/

بالنسبة لرمضان الحمدلله عجبت اهلي بالمطبخ ..

يمكن تأثير غياب اختي نيدو عن البيت خلى ردة الفعل عنيفه [ بتميز ] هالمرة >> خخخخخخخ

::

المهم عيدي هالسنة غيييييير عكس عيدكم ريوفه الله يعوض عليكم العيد الجاي ويكون غير عندكم بعد

المضحك في الموضوع ان محبة من اخر رمضان تتوعد في اخواتها الكبار ,,

صرت اقوللهم والله لو ماتعايدون علي ان شالله حتى لو بخمسة ريال باحط حرتي بعيالكم .. خصوصاً ان بلوزة العيد هالمرة فيها جيبين كبار _^ يعني يرحب بالعيديات ..

وللأسف سحبوا علي وعايدوا اطفال العيلة بالبلالين واللالعاب الضخمه وانا

في النهايه عايدت علي اختي الصغيره بخمسة ريال خخخخخخخخخخخخخ >حنت علي

!

/

وطبعا اهم شيء لازم اقوله ان حبيبتي لقاء لما جاتني البيت عايدت علي بخمسة ريال ومن الفئة الجديدة يعني تطقطق >> وللأمانه لقائي تراني صرفتها بالكلية اليوم وبكل فخر >> ياويلي منك بس ماكان عندهم صرف :/

>> لحووووووون ياويلك تقولين هذي اشفيها تهذر انتي اللي طالبتنا تحممملي طلبك

وبعدين لحد يلومني انا وانتي معروفين بالهذرة اللي ماتخلص الا بالعافيه ..:/

المهم /

نداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااء

نطالب نحن [ محبة الصالحين ] بالآتي /

أولاً /

اقتباس:

وفي هذا الشهر الفضيل اخترعت حلى بنزله لكم بعدين

ان شاء الله مدعوم بالصور

>> على صاحبة هذه العبارة المقتبسة بتنفيذ ماوعدتنا به هذا وشكر الله سعيكم و وبارك لكم في الرزق والمال والخير >>عينها ع عيديتك يالحن :P

ثانياً /

اقتباس:

عجينة صاحية

وجربتها وطلعت خرافة

وراح أجيبها لكم أنشالله

المدعوة المذكور أعلاه كلامها ,, عليها بتنفيذ ما وعدتنا به وإلا ............. بتوصلك من حوشنا طرطيعة أم قنبلة تخرب كشتك ياهمومة :P

المهم انا اش يطلعني الحين ..

1

2

3

برررررا

>>>>>>>>> من ورا البااااب احد جرب موبايلي كونكت ؟؟ >> اللي جربتها تبلغني

مع السلااااااامه

๑همتي دعوتي๑ · 21-10-2007, 03:25 PM

اقتباس:

المشاركة الأصلية كتبت بواسطة محبة الصالحين

>>>>>>>>> من ورا البااااب احد جرب موبايلي كونكت ؟؟ >> اللي جربتها تبلغني

مع السلااااااامه

حبوبة يعني لين نطردك وانت تسولفين

أنا على وعدي تراني بالخدمة وقريب تشوفونه في قسم التقنية

طبعاً لأن العجن بحد ذاته تقنية في خضم حياتي الخاصة ((إخس ياخضم))

سنعود قريباً


العضوة المميزة	الموضوع المميز	المستشارة المميزة
ღ زهرة البستان ღ شـ شموخي ـوفوا! ღ عزوف ღ	ღ .. سلسلة المعجزات النبوية في الطب الحديـــث ‏ ღ لـ شـ شموخي ـوفوا!	ღ بنت الريف ღ


طريقة عمل براويز على شكل طوابع بريديه بشكل مميز جداً ( المشاركة الأخيرة بواسطة : الـ شامخة ، عددالمشاركات : 5 ، عددالمشاهدات : 36 ) » إذا اشتــ ، ــد بك الكــ ، ــرب ..وضاقـ ، ــت بك السبــ ، ــل!!! ( المشاركة الأخيرة بواسطة : jayda2 ، عددالمشاركات : 7 ، عددالمشاهدات : 29 ) » شيماء أم بلا زواج ( المشاركة الأخيرة بواسطة : إبنة الرميصاء ، عددالمشاركات : 2 ، عددالمشاهدات : 27 ) » اعتني بقدميك..... ( المشاركة الأخيرة بواسطة : أم الحلووووين ، عددالمشاركات : 0 ، عددالمشاهدات : 1 ) » موسم الزهور في هولندا ( المشاركة الأخيرة بواسطة : أم الحلووووين ، عددالمشاركات : 7 ، عددالمشاهدات : 47 ) » علب الكبريت ( المشاركة الأخيرة بواسطة : متميزه ، عددالمشاركات : 3 ، عددالمشاهدات : 11 ) » مميز: هيــآ بِنــآ نــتــعــلــم... (( النيــــة )) ! ( المشاركة الأخيرة بواسطة : إبنة الرميصاء ، عددالمشاركات : 73 ، عددالمشاهدات : 554 ) » لن أصوم رمضان .. بل ..!! ( المشاركة الأخيرة بواسطة : إبنة الرميصاء ، عددالمشاركات : 8 ، عددالمشاهدات : 47 ) » رقم العضو//9950 !! ( المشاركة الأخيرة بواسطة : إبنة الرميصاء ، عددالمشاركات : 11 ، عددالمشاهدات : 95 ) » قدمناه وأوقفنـــاك..قصة مؤثرة ( المشاركة الأخيرة بواسطة : نجوم الليل ، عددالمشاركات : 13 ، عددالمشاهدات : 777 ) »